पोखरा, ९ भदौ । पोखरामा जारी बृहत् सफाइ अभियान रत्नमन्दिर परिसरसँगैको फेवाताल किनारमा उल्लेख्य सहभागिता सहित शनिबार सम्पन्न भएको छ।
‘हप्तामा एक घण्टा : राष्ट्रका लागि स्वयंसेवा’ भन्ने नाराका साथ संचालित ११७ औं हप्ताको अभियानमा ४५ डोका प्लाष्टिकजन्य फोहरमैला फेवाताल किनारबाट संकलन गरिएको वडा सदस्य हरिकृष्ण पहारीले बताएका छन्।
कार्यक्रममा उपस्थित सहभागीलाई गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले सरसफाइ र राष्ट्रिय भावनाको शपथ गराएका थिए।
यसअघि पश्चिम पृतना हेडक्वार्टरका पृतनापति काजीबहादुर खत्रीलाई समग्र पोखरेली समुदायका तर्फबाट कार्यक्रममा स्वागत गरिएको थियो।
यसपटकको अभियानमा ३ वटै सुरक्षा निकाय, मुक्तिनाथ विकास बैंक, ओम डेभलपमेन्ट बैंक, एनआईसी एशिया बैंक, गण्डकी विकास बैंक, नवील बैंक, माछापुच्छे्र महिला क्लब, खहरे आमा समूह, मितेरी नारी समूह, फेवा डुंगा व्यवसायी समिति, ड्यामसाइड टोल विकास संस्था, जनप्रिय मावि स्काउट समूह, सरस्वती सेकेण्डरी स्कूल शिवालयचोक, क्याम्ब्रिज एकेडेमी स्कूल बैदाम, चण्डिका आमा समूह, युथ नर्स सञ्जाल, टान पश्चिमाञ्चल, महिला पर्यटन व्यवसायी मञ्च, पर्यटन सम्बन्धी विभिन्न संघसंस्थाहरु, दीप युनाइटेड क्लब, विभिन्न क्षेत्रका अभियन्ताहरु लगायत स्थानीय जनसमुदायको उल्लेख्य उपस्थिति रहेको अभियान संयोजक रामबहादुर पौडेलले जानकारी दिएका छन्।
वडाध्यक्ष जगतबहादुर पहारीले धन्यवाद ज्ञापन गरेको कार्यक्रममा नविल बैंकका तर्फबाट १० प्याकेट डिस्पोजल ग्लोब उपलब्ध गराइएको थियो।
११८ औं हप्ताको अभियान पश्चिमाञ्चल क्षेत्रीय अस्पतालमा हुने जनाइएको छ।
Related News
सम्बन्धित समाचार
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१