पोखरा।होटल संघ पोखरा, नेपालको आयोजनामा लेकसाइडमा फेवा नव वर्ष महोत्सव २०८१ हुने भएको छ । चैत २९ देखि वैशाख १ गतेसम्म आयोजना हुने महोत्सवको तयारी तीब्र पारिएको संघले सोमबार पत्रकार सम्मेलनको गरी जानकारी दिएको हो ।
पोखरालाई पर्यटकीय राजधानी घोषणा पश्चात आयोजना हुन लागेको महोत्सवलाई विविध सांस्कृतिक कार्यक्रम सहित वृहत रुपमा आयोजना गरिने आयोजकले जानकारी दिएको छ । ‘पर्यटन संस्कृति र खाना’भन्ने नाराका साथ नेपाली मौलिक संस्कृतिको संरक्षण र परम्परागत नेपाली खानाको प्रवद्र्धन गर्ने मुख्य उद्देश्यले आयोजना गर्न लागिएको महोत्सव संयोजक एवं होटल संघ पोखराका अध्यक्ष लक्ष्मण सुवेदीले बताए । महोत्सवमा करिब ३ लाख पर्यटकले अवलोकन गर्ने अपेक्षा गरिएको उनले सुनाए ।
अङग्रेजी नयाँ वर्षलाई जस्तै नेपाली नयाँ वर्षलाई पनि भव्य बनाउन महोत्सवको तयारीका लागि २१ वटा विभिन्न समिति र एरिया संयोजक गठन गरिएको अध्यक्ष सुवेदीले जानकारी दिए । महोत्सवको अवसरमा संघ मातहतका होटलहरुको प्रकाशित दररेटमा २० प्रतिशत सम्म छुटको घोषणा यसअघि नै गरिसकेको छ । महोत्सवमा विविध सांस्कृतिक झाँकी, नृत्य र खानाका स्टल राखिने भएको छ ।
परम्परागत नेपाली खानाको प्रवद्र्धन, सांस्कृतिक झाँकीका कार्यक्रम, लोकदोहोरी र प्रख्यात कलाकारबाट पप कन्सर्ट, स्थानीय कलाकारद्वारा विभिन्न सांस्कृतिक नृत्य, हास्यव्यङ्ग्य प्रहशन र पर्यटक दौड प्रतियोगिता महोत्सवको मुख्य आर्कषणमा रहेको अध्यक्ष सुवेदीले बताए ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
कानुन निर्माणका लागि सरोकारवालाबीच अन्तक्र्रिया
हाइकर्स क्लब टोली कालाबाङ घरेडीमा
‘पदयात्रा मार्गमा जाँचचौकी नहुँदा राजस्व गुम्यो’
होमस्टे महासंघको प्रशिक्षक प्रशिक्षण
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१