पोखरा । गजल सन्ध्या र नवनीत साहित्य सागर आयोजनामा सञ्चालन हुँदै आएको अक्षरयात्राको २०९ औं शृंखला पोखरा २८ ठूलाकोटमा सम्पन्न भयो ।
लायन्स क्लब अफ पोखरा कालिका भ्यु टाउनको स्थानीय समन्वयमा भएको कार्यक्रम गजल सन्ध्या पोखराका अध्यक्ष मन क्षत्री र लायन्स क्लब अफ पोखरा कालिका भ्यु टाउनको अध्यक्ष दिनेशबाबु खड्काको संयुक्त अध्यक्षतामा भएको थियो । हरेक महिनाको तेस्रो शनिबार सञ्चालन हुने अक्षरयात्रामा रचनाकार सोही स्थानमा पुगी रचना सिर्जना गरी वाचन गरे । कवि अमृत क्षत्रीले ठूलाकोटमा लेखेको नगरबस र यात्रा शीर्षकको कविताको अन्तिममा यसरी प्रस्तुत गरे :
नगर बस नगर छोडी उक्लिएको छ
ठूलाकोट नगरमा
चिसो चिसो फेरि चिसो बतासले
गुराँसको रङ उडाएर आँखा पोत्छ
एता बेगनास, उता काँहु
उता उता पर्यटक राजधानी
यता चिसो हिउँदे बतास
कम्ता छैन दिल खुस ।।
हाव ! सोल्टिनी
बा आमा, आफन्त, साथीभाइका आँखा छलेर
हामी कहिल्यै आएका रहेनछौ
यो दिल बहलाउने ठुलाकोट ।।
यो पालि अक्षरयात्रा
अर्को पालि हाम्रो निजी यात्रा हगि त !
पोखरा २८ मा ठूलाकोटबाट कास्कीको विभिन्न स्थान दृश्यावलोकन गर्न सकिन्छ भने ठूलाकोट कुलमण्डल शाहका साइँला छोरा चैतु शाहले राज्य गरेको स्थानको रुपमा प्रचलित छ । कार्यक्रम संयोजक लक्ष्मण तिमिल्सिनाले स्वागत गर्दै मुक्तक सुनाएर रचनावाचन थालनी गरेका थिए ।
उज्यालो सँगै अँध्यारो खोजेर आयो
जसरी माउले चारो खोजेर आयो ।
अब आमासँग उसको गुनासो छैन,
छोरोले पटुकीमा अप्ठ्यारो खोजेर आयो ।।
मुक्तक मञ्चका पोखराका उपाध्यक्ष श्रीराम अधिकारी गोर्जेको मुक्तक यस प्रकार थियो :
पदबाट तल झर्ने कोही हुँदो रैन्छ
अरुको निम्ति मर्ने कोही हुँदो रैन्छ
अपराधीहरू नै यहाँ न्यायाधीश छन्
यिनलाई कारबाही गर्ने कोही हँुदो रैन्छ ।
रचनावाचन कार्यक्रम गजल सन्ध्या पोखराका कोषाध्यक्ष विष्णु सुवेदीले सञ्चालन गरेका थिए ।
Related News
सम्बन्धित समाचार
बेलायतमा ‘प्रकट’ र ‘पारिजात’को स्मरण
७ श्रष्टालाई गण्डकी प्रज्ञा प्रतिष्ठानको सम्मान
नरहरिको उपन्यास ‘शान्ति’ लोकार्पण
‘क्यानभास’ मा धार्चेको कलासंस्कृति र भूगोल
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
hero news full width
मुख्य समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१