पोखरा । पोखरा सभागृहमा जारी नेकपा (एमाले) कास्कीको ११ औं जिल्ला अधिवेशनमा मनोनयन पत्र वितरण सुरु भएको छ । २ दिनसम्म बन्दसत्र गरेर सोमबार साँझदेखि मनोनयन पत्र वितरण गरिएको हो । निर्वाचन समिति संयोजक भगवती पहारीका अनुसार ६ सय ८० वटा फाराम वितरण भएको छ ।
‘१ सय रुपैयाँ शुल्क लिएर फाराम वितरण गरिएको छ । निशुल्क गरेको भए सबैले फाराम लैजाने रहेछन् जस्तो भयो,’ उनी भन्छिन्, ‘अब फाराम लगेकामध्ये कतिले मनोनयन दर्ता गर्छन् थाहा छैन ।’ मंगलबार बिहान साढे ७ देखि साढे ८ बजेसम्म मनोनयन दर्ताको तालिका छ ।
मनोनयन दर्ता गर्न ५ सय रुपैयाँ लाग्छ । ‘सबै पदमा समान शुल्क हो । कसैलाई विभेद छैन,’ उनले भनिन् । मनोनयन दर्ता अघि संगठन विभागले स्वीकृति दिनुपर्छ । पहारीले साढे १ बजेदेखि मतदान सुरु हुने जानकारी दिइन् । ‘मतदानको लागि ५ घण्टा जति लाग्ला,’ उनले भनिन्, ‘सकेसम्म मंगलबार नै रिजल्ट निकाल्ने योजना छ ।’
कास्कीको नेतृत्व लिन विभिन्न प्यानल उम्मेदवार पर्ने देखिएको छ । एमाले केन्द्रीय उपमहासचिव पृथ्वीसुब्बा गुरुङ र केन्द्रीय सदस्य खगराज अधिकारीनिकटको छुट्टाछुट्टै प्यानल हुनेछ । यस्तै, स्वतन्त्र उम्मेदवारी दिनेहरु पनि अत्यधिक हुने अनुमान गरिएको छ ।
२ दिनसम्म चल्ने भनिएको अधिवेशन अवधि लम्बिएको छ । शनिबार पोखरा नयाँबजारस्थित प्रदर्शनी केन्द्रमा पार्टी महासचिव शंकर पोखरेलले अधिवेशन उद्घाटन गरेका हुन् । अधिवेशनमा ९ सय ३५ प्रतिनिधिले भाग लिएका छन् ।
Related News
सम्बन्धित समाचार
सांसद सुहाङ नेम्वाङद्वारा शपथ
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
पहिचान एवं राष्ट्रिय मुद्दा कार्यान्वयनमा ऐक्यबद्धता जनाउन प्रधानमन्त्रीको अपिल
hero news full width
मुख्य समाचार
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१