पोखरा । विश्व सिमसार दिवस अवसरमा प्रतिभा माविले सचेतनामूलक चित्रकला प्रतियोगिता आयोजना गरेको छ ।
विद्यालयको क्रिएटिभ माइन्डस क्लबले आयोजना गरेको प्रतियोगितामा कक्षा ११ र १२ का विज्ञान, व्यवस्थापन तथा होटल व्यवस्थापन विषयका विद्यार्थीले भाग लिएका थिए । फेवाताल सिरानको खपौदी क्षेत्रमा गएर स्थलगत रुपमै चित्र कोरेका करिब १ सय जना विद्यार्थीले शुक्रबार दिवसको अवसर पारेर विद्यालयमा प्रदर्शनी गरेका थिए ।
प्राचार्य किरण सापकोटाका अनुसार विद्यार्थीले फेवातालको सिरान क्षेत्रमा रहेर सिमसार क्षेत्रलाई झल्काउने गरी चित्र कोरेका थिए । प्रकृतिसँग सामीप्यता गराएरै चित्र कोर्दा वास्तविकता झल्किने भएकोले खपौदी क्षेत्रमा लगेको प्राचार्य सापकोटाले बताए । विद्यार्थीले खपौदी क्षेत्रमै बसेर प्रकृति निँयाल्दै सिमसार क्षेत्रको अवस्था झल्काउने चित्र कोरेका थिए ।
बिहीबार चित्र कोरेका विद्यार्थीले शुक्रबार विद्यालय परिसरमा प्रदर्शनी गरे । कार्यक्रमको विद्यालय सञ्चालक समिति अध्यक्ष नारायणप्रसाद पौडेलले उद्घाटन गरेका थिए । पौडेलले मानव जीवनका लागि सिमसार क्षेत्रको अति नै महत्व रहेको बताए । उनले जलवायु परिवर्तनले वातावरणमा परेको असरबारे सचेत हुनुपर्ने बताए ।
‘सिमसार क्षेत्रमा परेको असरले मानव बस्तीमा प्रभाव पार्न थालेको छ । यसको चिन्ता विश्वव्यापी रुपमा जनाउन थालिएको छ,’ पौडेलले भने, ‘वातावरण सन्तुलनमा राख्नका लागि सिमसार क्षेत्रको महत्व छ । सिमसार क्षेत्रको महत्व नबुझ्नेले मात्र त्यसको दोहन गरिरहेका छन् ।’
चित्रकला प्रतियोगितामा उत्कृष्ट चित्रलाई पुरस्कृत पनि गरिएको थियो । अमन कुँवरले कोरेको चित्रले प्रथम स्थान हाँसिल गर्दै ५ हजार रुपैयाँ पुरस्कार पायो । आयान इकवालको चित्र दोस्रो हुँदै ३ हजार र निश्चल सुवेदी र केशव शाहीको चित्रले तृतीय स्थान हासिल गर्दै जनही २ हजार रुपैयाँ पुरस्कार पाएको थियो । विद्यालयको क्रिएटिभ माइन्डस क्लवका अध्यक्ष सिद्धान्त खनालले विद्यालयस्तरमै सिमसार क्षेत्रबारे सचेत बनाउने हो भने भविश्य पनि उज्ज्वल हुने बताए । जलवायु परिवर्तनको असर र सिमसार क्षेत्रको महत्वबारे विद्यार्थीलाई ज्ञान आवश्यक रहेको उनले बताए । विश्व सिमसार दिवस हरेक वर्षको २ फेब्रुअरीमा चेतनामूलक विभिन्न कार्यक्रम मनाइँदै आइएको छ । सिमसारलाई जैविक विविधताको हिसाबले महत्वपूर्ण क्षेत्र मानिन्छ । सिमसार क्षेत्रले विभिन्न प्रजातिका जीव तथा वनस्पतिलाई आश्रय दिने गरेको छ ।
Related News
सम्बन्धित समाचार
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
hero news full width
मुख्य समाचार
जिबी राईको राहदानी रद्द भएन
मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१