पोखरा । २३ औं आहा रारा पोखरा गोल्डकपमा त्रिभुवन आर्मी क्लब क्वार्टरफाइनल प्रवेश गरेको छ । सहारा क्लब पोखराको आयोजनामा बुधबार राइजिङ स्टार क्लबलाई १–० गोलअन्तरले पराजित गर्दै आर्मी अघि बढेको हो ।
खेलको २७ औं मिनेट आर्मीका कप्तान भरत खवासले गरेको गोल नै निर्णायक बन्यो । कमल थापाले मिलाएको पासमा भरतको उत्कृष्ट हेडमार्फत प्रहार गोलमा परिणत भएपछि जितको आधार तयार भएको थियो ।
अधिकांश युवा खेलाडी उतारेको आर्मी र पहिलो पटक सहभागी भएको राइजिङ स्टारबीच कडा प्रतिस्पर्धा भएको थियो । उसले विपक्षीलाई दबाबमा राखे पनि थप अवसर भने सृजना गर्न सकेन । नवौं मिनेटमा नै आर्मीले सुनौलो मौका खेर फाल्यो । सबै खेलाडी बिट भइसकेको अवस्थामा जिलेस्पीजंग कार्कीले बक्समा बल पाए पनि पोस्टको दिशा दिन सकेनन् । १३ औं मिनेटमा आर्मीका भरत चौधरीको पासमा कप्तान भरतले पेनाल्टी बक्सबाट गरेको हेड बल बाहिरियो ।
दोस्रो हाफमा राइजिङले आर्मीलाई दबाबमा राखे पनि गोल गर्न सकेनन् । ५८ औं मिनेटमा राइजिङ स्टारका रुपेश केसीले प्रहार गरेको बल आर्मीका गोलकिपर समित श्रेष्ठले पञ्च गर्दै टिमको संकट टारे । ६२ औं मिनेटमा आर्मीका भरत खवासको क्रसमा रसबहादुर मगरले पेनाल्टी बक्सबाट गरेको हेड राइजिङ स्टारका किपर विशाल सुनारले सहजै बल बचाए ।
८१ औं मिनेटमा राइजिङ स्टारका फागुराम थारुले गोल गर्न ढिला गरे । पेनाल्टी बक्समा बल पु¥याएपछि केही ढिला गर्दा आर्मीका गोलकिपर समितले बचाए । फागुरामले नै ८४ मिनेटमा करिब २५ यार्डबाट प्रहार गरेको शक्तिशाली प्रहार पोस्टको थोरै माथिबाट बाहिरियो ।
अब आर्मीले सेमिफाइनल प्रवेशका लागि संकटा क्लबसँग खेल्नेछ । आर्मीका कप्तान भरत म्यान अफ दी म्यान चुनिए ।
आहारारा पोखरा गोल्डकपमा आर्मीको १५ औं सहभागिता हो । पटकपटक उपाधि नजिक पुगेर पनि खाली हातै घर फर्किनु परेकाले आहारारा इतिहासमा आर्मी ‘अभागी टिम’ मानिन्छ । यो पटक भने आर्मीलाई उपाधि दाबेदार टिमका रुपमा हेरिएको छ ।
बिहीबार मच्छिन्द्र फुटबल क्लब र जावलाखेल युथ क्लबबीच तेस्रो प्रि–क्वार्टरफाइनल खेल हुने आयोजक सहारा क्लब पोखराले जनाएको छ । यसअघि, उद्घाटनमा आयोजकलाई २–१ ले हराउँदै थ्रि स्टार क्वाटरफाइनल पुगिसकेको छ ।
प्रतियोगितामा १२ टिमले भाग लिएका छन् ।
Related News
सम्बन्धित समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
hero news full width
मुख्य समाचार
जिबी राईको राहदानी रद्द भएन
राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१