पोखरा । श्रीपति समाज सेवा पुरस्कारबाट पोखराको विन्ध्यबासिनी धार्मिक क्षेत्र विकास समिति पुरस्कृत भएको छ । पोखराको श्रीपति कोइराला गुठीद्वारा सञ्चालित श्रीपति समाज सेवा पुरस्कार–२०८० समिति पुरस्कृत भएको हो ।
गुठीको ३१ औं साधारण सभाका अवसरमा शनिबार समितिलाई पुरस्कार प्रदान गरिएको हो । पुरस्कारको राशि नगद २ लाख २२ हजार २ सय २२ सहित ताम्रपत्र, दोसल्ला र पदक छ । अघिल्ला वर्षमा यो पुरस्कारबाट माइती नेपाल, राष्ट्रिय आविस्कार केन्द्र र सर्लाहीको पद्म भुवनेश्वरी नमुना बृद्ध सेवा आश्रम पुरस्कृत भएका थिए ।
पोखराका मेयर प्रमुख धनराज आचार्य, गुठी अध्यक्ष फडिन्द्रराज कोइरालालगायतले विन्ध्यवासिनी धार्मिक क्षेत्र विकास समितिका अध्यक्ष गणेशबहादुर श्रेष्ठ र सदस्य सचिव तीर्थ श्रेष्ठलाई पुरस्कार हस्तान्तरण गरे ।
विन्ध्यवासिनी धार्मिक क्षेत्र विकास समिति धार्मिक, सामाजिक साथै विकास निर्माणमा समेत सक्रिय हुँदै आएको छ । समितिले गुरुकुलका साथै प्राकृतिक चिकित्सालय पनि सञ्चालन गर्दै आएको छ । एम्बुलेन्स सञ्चालनदेखि परबाट आउने साधु सन्त तथा दर्शनार्थीका लागि आवास तथा भोजनको व्यवस्था समेत समितिले गर्दै आएको छ । उत्कृष्ठ सामाजिक सेवा प्रदान गरेकोले समितिलाई यस वर्षको श्रीपति समाज सेवा पुरस्कार प्रदान गरिएको गुठीका सदस्य सचिव नवराज कोइरालाले बताए ।
पुरस्कार अर्पणपछि मेयर आचार्यले श्रीपति कोइराला गुठीले समाज सेवाको क्षेत्रमा उदाहरणीय कार्य गरेको बताए । मेयर आचार्यले पुरस्कृत संस्था विन्ध्यवासिनी धार्मिक क्षेत्र विकास समितिले मन्दिरको संरक्षण, सम्बद्र्धन, प्रवद्र्धन र सौन्दर्यकरणसँगै सामाजिक काममा पु¥याएको योगदानको प्रशंसा गरे । शिक्षा क्षेत्रतर्फ विभिन्न तहमा सर्वोत्कृष्ठ अंक ल्याउने विद्यार्थीलाई श्रीपति विद्या पदक र गरिव तथा जेहेन्दार विद्यार्थीलाई उक्त अवसरमा छात्रवृत्ति प्रदान गरिएको थियो ।
Related News
सम्बन्धित समाचार
इन्द्रराज्यलक्ष्मी माविको ७१ औं वार्षिकोत्सव
छुट प्रदान गर्ने सम्झौता
‘मुख्यमन्त्रीको पिए हुँ’ भनी ठगी
सूर्यदर्शन सहकारीको अनुसन्धान प्रतिवेदन बुझाइयो
पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
hero news full width
मुख्य समाचार
आगलागीले सुन्तलाको बगैंचा सखाप
पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१कसको हातमा पर्ला वर्ष खेलाडीको उपाधि ?
वैशाख २६, २०८१गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१