पोखरा । कास्की जिल्ला टेनिस संघ आयोजनामा सोमबारदेखि यहाँ आइटीएफ जे–३० टेनिस प्रतियोगिता सुरु भएको छ ।
पोखरा रंगशालामा २ सातासम्म चल्ने प्रतियोगिताको पहिलो दिन पुरुष एकलतर्फ उद्घाटनमा एलेक्जे सिभइवले भारतका एस पन्चाछरीलाई ६–०, ५–० (रिटायर्ट हर्ट), भारतका प्रनिल शर्माले नेपालका निहाल जंगबहादुर थापालाई ६–४,६–१, अमेरिकाका आरव सम्राट हाडाले भारतका सौर्य भारद्वाजलाई ६–२, ६–१ ले हराए । भारतका अनिकेत बेन्करटामनले जापानका इपे माट्सुसिमालाई ६–३ र ६–१, नेपालका प्रनव मानन्धरले भारतका आहन सेट्टीलाई ६–४ र ६–२, नेपालकै आर्यन गिरीले भारतका आयन सेट्टीलाई ७–५ र ६–२ ले पराजित गर्दै दोस्रो चरणमा स्थान बनाए ।
यसैगरी, भारतका आरब बर्माले क्वानडाका जसराजसिंह जगदेवलाई ६–७, ६–१ र ६–२, जापानका रिकु हिगासीले भारतका डिगान्त एमलाई ६–४,२–६ र ६–० र नेपालका आयुषमान हजुर घलेले भारतका दक्ष कुक्रेटीलाई ६–३, ६–४ ले पराजित गरे ।
महिला एकलतर्फ भारतका यासिका सोकिनले नेपालकी सुनिरा थापालाई ६–१ र ६–१ ले पाखा लगाइन् ।
पुरुषतर्फ क्वालिफाइङ र मेन ड्र गरी ६४ खेलाडीले भाग लिएका छन् । महिलातर्फ विभिन्न राष्ट्रका ४७ खेलाडीको सहभागिता छ ।
पुरुषतर्फ नेपालबाट १०, भारतबाट ४४, जापानबाट ४, अमेरिकाबाट २, रसिया १, क्यानडा १, चाइना र श्रीलंकाबाट १–१ जना खेलाडीले भाग लिएका छन् ।
महिलातर्फ नेपालबाट ७, भारतबाट ३०, जापान, थाइल्याण्ड, अमेरिका, नर्वे, काजकिस्तानबाट १–१ जनाले भाग लिएको आयोजकले जनायो । खेलका लागि खेलाडी, प्रशिक्षक तथा अभिभावकसहित झण्डै ३ सय जना पोखरा आएका छन् ।
विजेताले ३० अंक, उपविजेताले १८, सेमिफाइनलिस्टले ९, क्वाटरफाइनलिस्टले ५ र राउन्ड अफ सिक्टिन पुग्नेले आइटिएफको २ अंक प्राप्त गर्ने टेक्निकल डाइरेक्टर अजय विष्टले बताए ।
प्रतियोगिताको गण्डकी प्रदेश सामाजिक, स्वास्थ्य तथा खेलकुद मन्त्री सुसिला सिंखडाले प्राविधिक निर्देशक प्रवीण नायक र प्रतियोगिता निर्देशक अजय विष्टलाई बल हस्तान्तरण गरी उद्घाटन गरिन् । उनले टेनिस संघले आयोजना गर्दै आएको अन्तर्राष्ट्रिय प्रतियोगिताले पोखराको पर्यटन विकासमा महत्वपूर्ण भूमिका निर्वाह गरेको बताइन् । उनले टेनिस विकासका लागि मन्त्रालयतर्फबाट अभिभावकको भूमिका निर्वाह गर्ने मन्त्री प्रतिवद्धता जनाइन् ।
कार्यक्रममा नेपाल पर्यटन बोर्ड, गण्डकी प्रदेश कार्यालयका नि.कार्यालय प्रमुख नवीन पोखरेल, आयोजक संघ अध्यक्ष लोक गुरुङ, उपाध्यक्ष नवीन चालिसे र सचिव नवीन श्रेष्ठले बोलेका थिए ।
Related News
सम्बन्धित समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
पोखराको प्राइम सहकारी पनि समस्याग्रस्त, डेढ अर्ब हिनामिना
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
hero news full width
मुख्य समाचार
जिबी राईको राहदानी रद्द भएन
राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१