पोखरा । पोखराकी रन्जना गुरुङ बिहीबार क्षयरोग उपचार केन्द्र पोखरामा भेटिइन् । भाइको लागि क्षयरोगको औषधी लिन त्यहाँ पुगेकी थिइन् । नाम सार्वजनिक गर्न भने उनी डराइएकी थिइन् । कारण थियो, समाजबाट हुने तिरस्कार । उनको मनमा अझै पनि क्षयरोग लागेको थाहा पाए समाजबाट तिरस्कृत हुनपर्ने हो कि भन्ने भय रहेछ ।
निशुल्क क्षयरोगको औषधी वितरण गर्न पोखरा महानगरबाट खटिएकी अहेव अनिता गिरी पनि औषधी लिन आउनेहरु आफ्नो रोगका बारेमा अरुले थाहा नपाओस् भन्ने चाहना राख्ने गरेको सुनाउँछिन् ।
उनका अनुसार पोखरामा ५४ वटा डट्स सेन्टर रहेकोमा त्यहाँबाट औषधी लिनेहरु परिचय गोप्य नै राख्छ चाहन्छन् । पोखराभर ३ सय ५० को हाराहारीमा क्षयरोगका बिरामीले नियमित औषधी लिने गरेको उनको भनाइ छ ।
यता, क्षयरोग उपचार केन्द्र पोखराका नि. निर्देशक अरुणकुमार झाले क्षयरोग पहिलेको जस्तो नरहेको बताउँछन् । क्षयरोग पनि अरु रोगजस्तै सामान्य भइसकेकाले डराउनुपर्ने नरहेको उनको भनाइ छ । नियमित ६ महिनासम्म औषधि सेवन गरेपछि पहिलो चरणको क्षयरोग निको हुने उनले बताए । ‘अहिले त धेरै मानिसहरु सजग भइसके । कुनै–कुनैको अझै पनि पहिलाको जस्तो मानसिकता होला,’ उनले भने, ‘तर डराउनु पर्दैन टिभी अब सरल भइसक्यो ।’
क्षयरोग निको हुने रोग भए पनि सजग भने हुनुपर्नेमा उनले सचेत गराए । गण्डकी यस आर्थिक वर्षमा १ हजार २ सय ५६ क्षयरोगी बिरामी फेला परेका छन् । गण्डकी प्रदेश स्वास्थ्य निर्देशनालयका अनुसार चालु आवको फागुनसम्म ७ सय ९१ पुरुष र ४ सय ६५ महिलामा क्षयरोग भेटिएको हो । तीमध्ये सबैभन्दा बढी कास्कीका ३ सय ६ छन् ।
नवलपरासीमा २ सय ९१, स्याङ्जामा १ सय ५२, तनहुँमा १ सय ५०, बाग्लुङमा १ सय २३ जना र गोर्खामा १ सय ३ जनामा क्षयरोग देखिएको हो । लमजुङमा ४८ जना, पर्वतमा ४३ जना, म्याग्दीमा ३३ जना नयाँ बिरामी थपिएको गण्डकी प्रदेश स्वास्थ्य निर्देशनालय पोखराका क्षयकुष्ठ निरीक्षक राजेशकुमार यादवले बताए । मनाङमा ३ र मुस्ताङमा ४ क्षयरोगी भेटिए । गण्डकीमा अघिल्लो आवमा २ हजार ५ सय ४२ बिरामी थिए ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
सिजी मोटर्सको नयाँ शोरुम पोखरामा, टिटी ग्लोबलले थाल्यो बिक्री
रानाभाट/भाटलाई छुट्टै जातिमा सूचीकृत गरिने
२८ वैशाखदेखि फिल्म ‘खजुरे ब्रो’
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१