पोखरा, १५ असोज । प्रदेश खेलकुद परिषद् गण्डकीले नवनियुक्त सल्लाहकारलाई शुक्रबार मनोनयनपत्र हस्तान्तरण गरेको छ ।
गत भदौ ८ मा परिषद् अध्यक्ष एवं गण्डकी प्रदेश युवा तथा खेलकुद मन्त्री राजीव गुरुङको अध्यक्षता सम्पन्न बोर्ड बैठकले ९ जनालाई सल्लाहकार मनोनयन गरेको परिषदका सदस्यसचिव तेजबहादुर गुरुङले जानकारी दिए ।
उनका अनुसार प्रदेश खेलकुद विकास नियमावली २०७८ को नियम ३ (ज) बमोजिम मनोनीत हुनेमा खड्गबहादुर रानाभाट (स्याङ्जा), गणेशबहादुर भट्टराई (कास्की), दिनेश श्रेष्ठ (कास्की), देवेन्द्रबहादुर शेरचन (कास्की), इन्द्रबहादुर गुरुङ (गोरखा), सम्पन्न श्रेष्ठ (बागलुङ), महेश गुरुङ (कास्की), सुनिल गुरुङ (कास्की) र ओम बस्नेत (कास्की) छन् ।
कार्यक्रममा परिषद् उपाध्यक्ष धोजकुमार गुरुङले मनोनयन पत्र हस्तान्तरण गर्दै यो मनोनयनले प्रदेशको खेलकुद विकासमा थप सहयोग पुग्ने बताए ।
परिषदका सदस्यसचिव तेजबहादुर गुरुङले नवनियुक्ति सल्लाहकारलाई बधाईसहित प्रदेशको खेलकुद विकासका लागि सकारात्मक सुझावको अपेक्षा रहेको बताए । सो अवसरमा उनले नवौं राष्ट्रिय खेलकुदको तयारी र बन्द प्रशिक्षण, खेलस्थलहरुको अवस्था लगायत विषयमा जानकारी गराएका थिए ।
नवनियुक्त सल्ल्लाहकार खड्गबहादुर रानाभाटले आफूहरुले खेल जीवनमा सिकेको ज्ञान प्रदेशको खेलकुद विकाससँगै खेलाडी र खेलकुदको हितमा अघि बढाउने बताए । पोखरामा ३९ वर्षपछि हुन लागेको नवौं राष्ट्रिय खेलकुदलाई भव्य बनाउन सबै जनाले सहयोग गर्नुपर्ने बताए । सल्लाहकार दिनेश श्रेष्ठले उत्कृष्ट नेतृत्वका कारणले गठन भएको छोटो अवधिमा नै प्रदेश खेलकुदले गति लिएको बताउँदै प्रदेश खेलकुद विकासका लागि आफूहरुलाई प्राप्त भूमिका अझै प्रभावकारी रुपमा निर्वाह गर्ने बताए ।
अर्का सल्लाहकार सुनिल गुरुङले आफूले जहिले पनि खेलकुदमा राम्रो कामको प्रशंसा र गलत कामको विरोध गर्र्दै आएको बताए । सल्लाहाकार ओम बस्नेतले नवौं राष्ट्रिय खेलकुद सफल बनाउन सबैको सहयोगको आवश्यक्ता रहेको बताए ।
२०७७ कात्तिक २४ मा प्रदेश खेलकुद विकास ऐन, २०७७ पारित भएसँगै प्रदेशमा खेलकुद परिषद् विकासको संरचना निर्माण गर्ने बाटो खुला भएको थियो । साथै सोही वर्षको चैत १ मा मन्त्रिपरिषद् बैठकले सदस्य सचिवमा तेजबहादुर गुरुङलाई नियुक्ति गरेको थियो । उनको नियुक्तसँगै गण्डकीमा खेलकुद गतिविधिले तीव्रता पाएको हो ।
Related News
सम्बन्धित समाचार
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
स्पोर्ट्स अवार्डलाई सहयोग आउने क्रम जारी
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१