पोखरा। पोखरा महानगरपालिका वडा नम्बर १२ मा अनधिकृत तथा मापदण्ड विपरित निर्माण गरिएका संरचना स्थानीय स्वयंले हटाउन थालेका छन् ।
वडा कार्यालयले यही भदौ १२ गते सूचना प्रकाशित गरी ३५ दिन भित्र त्यस्ता संरचना हटाउन आव्हान गरेपछि स्थानीय स्वयंले संरचना हटाउन थालेको वडा अध्यक्ष सन्तोष बास्तोलाले जानकारी दिए । स्थानीय रानीपौवा चोकदेखि अमरसिंह चोकसम्म ग्रिन वेल्ट निर्माण र पहिलो चरणमा हस्पिटल चोकदेखि भेटनरी अस्पतालसम्मको सडकमा दुबै तर्फ सडक पेटी (फुट ट्रयाक) तथा ग्रिन बेल्ट निर्माण गर्ने कार्यक्रम अन्तर्गत वडाले उक्त सूचना प्रकाशित गरेको वडा अध्यक्ष बास्तोलाले स्मरण गराए ।
यसका लागि सडकमा दायाँ बायाँ मापदण्ड विपरीत तथा अनधिकृत रुपमा निर्माण गरिएका संरचनाहरु निर्माण गर्ने व्यक्ति तथा संस्था स्वयंले हटाउन वडाले आव्हान गरेअनुसार स्थानीय आफैंले त्यस्ता संरचना हटाउन थालेका हुन् । ‘अनधिकृत संरचनाहरु आफैले भत्काउन सुरु गरी व्यवस्थित गर्नु भएकोमा अमरसिंह चोकका व्यापारीहरु एवंम रानीपौवाका घर धनीहरु प्रती वडा परिवार हार्दिक सम्मान ब्यक्त गर्दछौं, यो अभियानलाई साथ दिएर सुधार गर्नुहुने सबैलाई धन्यवाद ।’ वडा कार्यालयले आफ्नो फेसवुक पेजमा उल्लेख गरेको छ ।
पोखरा– ५ का स्थानीयले पनि आफूले बनाएको मापदण्ड विपरितका संरचनाहरु स्वयं आफैंले भत्काउन थालेका छन् । वडा नम्बर ४ र ९ का कार्यालयले पनि अनधिकृत संरचना हटाउन सूचना जारी गरिसकेका छन् । वडा २५ मा पनि यस्तो अभियान सुरु भएको छ । पोखरा ९ महेन्द्रपुलमा रहेका आफ्नै स्वामित्वका भवनमा यही भदौ २३ गते महानगरले डोजर चलाएपछि अनधिकृत संरचना हटाउने अभियानले पोखरामा तिव्रता पाएको छ । काठमाडौंका मेयर बालेन्द्र शाहले यसप्रकारको अभियान सुरुवात गरेपछि देशैभरि अहिले अनधिकृत संरचना हटाउने लहर चलेको छ ।
Related News
सम्बन्धित समाचार
बिपिसीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
झोलाबाट अफिस चलाउँदै बाल संगठन
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
hero news full width
मुख्य समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१