दाङ । स्वतन्त्र पत्रकार संघ नेपालका अध्यक्ष कृष्णप्रसाद बास्तोलाले सभ्य समाज निर्माणका लागि निष्पक्ष पत्रकारिताको अभाव हुन नहुने बताएका छन् ।
स्वतन्त्र पत्रकार संघ नेपाल, दाङ शाखाले सोमबार तुलसीपुरमा गरेको स्वागत तथा बधाई कार्यक्रमलाई सम्बोधन गर्दै बास्तोलाले पत्रकारिता पेसा नितान्त समाजका लागि गरिने इमानको पेसा भएकाले व्यक्तिगत इच्छा, आकांक्षा र स्वार्थमा हाबी हुन नहुने बताए ।
उनले स्वतन्त्र पत्रकारले जुनसुकै राजनीतिक दलमा आस्था राखे पनि पत्रकारितामा कलम चलाउँदा निष्पक्ष र स्वतन्त्र ढंगले चलाउनुपर्ने सुझाव दिए । ‘स्वतन्त्र पत्रकारले कुनै पनि पार्टीमा आस्था राख्नु नै हुँदैन भन्ने होइन,’ उनले भने, ‘पत्रकारिता पेसामा हुँदा कलम स्वतन्त्ररुपले चल्नुपर्छ । पत्रकारितामा कसैको आग्रह पूर्वाग्रह हुनु हुँदैन भन्ने नै हो ।’ उनले निस्वार्थ भएर समाजका लागि सत्यको पक्षमा कलम चलाउनु नै स्वतन्त्र पत्रकारिता भएको स्पष्ट पारे ।
संघका संस्थापक अध्यक्ष समेत रहेका उनले नेपालमा पछिल्लो समय एकपक्षीय ढंगले गरिने पत्रकारिता मौलाउँदै गएकोले स्वतन्त्र र मर्यादित पत्रकारिताको आवश्यकता खड्किन थालेको बताए ।
स्वतन्त्र पत्रकारिता अभाव हुँदा सहरदेखि गाउँसम्म भ्रष्टाचार, विकृति र विसंगति मौलाउँदै गएको उनको भनाइ छ । ‘सरकारलाई चेक एन्ड ब्यालेन्समा ल्याउने भनेकै पत्रकारिता हो तर पछिल्लो समय निष्पक्ष, स्वतन्त्र र सत्यको पक्षमा कलम कम चल्दा समस्या देखिएको छ,’ उनले भने, ‘पत्रकारले स्वतन्त्र र निष्पक्षरुपमा समाचार लेखेर पत्रकारिताको साख जोगाउनुपर्छ ।’
कार्यक्रममा संघका निवर्तमान अध्यक्ष केबि मसालले राष्ट्रको चौथो अंगको रुपमा रहेको पत्रकारिताजगत्को साख जोगाउन स्वतन्त्र पत्रकारको भूमिका महत्वपूर्ण हुने बताए । उनले पत्रकारिता पेसा सुन्दर समाजका निर्माणको बलियो पक्ष भएकाले पत्रकारले कुनै पनि लोभ, लालच र व्यक्तिगत स्वार्थमा नभई समाजको हितका लागि समाचार लेख्नुपर्ने बताए ।
संघका नवनिर्वाचित केन्द्रीय सदस्य दीपक कुमालले पत्रकारको पेसागत सुरक्षाका लागि सम्बन्धित संचारसंस्था र सरकार जिम्मेवार बन्नुपर्ने बताए ।
स्वतन्त्र पत्रकार संघ नेपाल दाङ अध्यक्ष जीतसागर जिएमको अध्यक्षतामा भएको कार्यक्रममा केन्द्रीय अध्यक्ष बास्तोलासहित केन्द्रीय सदस्य जितसागर जिएम, शरद शर्मा, डिलाराम भण्डारी (मिलन) र दीपक कुमाललाई बधाई तथा सफल कार्यकालको शुभकामना व्यक्त गरिएको थियो । संघको हालै नवलपुरमा सम्पन्न १० औं वार्षिक साधारणसभा तथा चौथो राष्ट्रिय महाधिवेशनबाट कृष्णप्रसाद बास्तोलाको अध्यक्षतामा नयाँ कार्यसमिति निर्वाचित भएको थियो ।
त्यस अवसरमा निवर्तमान केन्द्रीय अध्यक्ष मसालले नवनिर्वाचित अध्यक्ष बास्तोलालाई निर्णय पुस्तिका हस्तान्तरण गरेका थिए । संघका शाखा उपाध्यक्ष पुरुषोत्तम अधिकारीले स्वागत र सचिव वसन्त पौडेलले सहजीकरण गरेका थिए ।
Related News
सम्बन्धित समाचार
नारायणगढ–बुटवल सडक ३३ किमी कालोपत्रे
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
पृथ्वीराजमार्ग विस्तार : मुआब्जा बुझाइयो तर घर भत्काइएन
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१