नवलपुर । गण्डकी प्रदेशका स्वास्थ्य तथा जनसंख्यामन्त्री मधु अधिकारी गुरुङले नवलपुर जिल्लामा रहेका स्वास्थ्य कार्यालय, अस्पताल तथा आर्युुबेदिक कार्यालयहरुको अनुमगन तथा निरीक्षण गरेकी छन् ।
उनले अब जिल्लामा रहेका स्वास्थ्य सस्थाहरुले उपचार क्षमता बृद्धि गर्ने आवश्यक रहेको बताइन् । जनताको आधारभूत स्वास्थ्य सेवा प्रदान गर्नेदेखि लिएर विषेशज्ञ सेवा प्रवाहमा जोड दिन सरकार लागिरहेको उनको भनाइ थियो । मन्त्री अधिकारीले जिल्लाको मध्यबिन्दु अस्पतालको भ्रमणका क्रममा अस्पतालको सेवा प्रवाहलाई थप चुस्त बनाउन आग्रह गरिन् ।
मन्त्री अधिकारीले उपचाररत बिरामीहरुकोे अवस्था, उपचार प्रक्रियाका बारेमा पनि उनले वार्डमै पुगेर चासो दिइन् । भौगोलिक अवस्था, जनसंख्याको आधार र विकासको सूचाकंलाई मानेर नै समावेशी विकासको मोडलनै अहिलेको उत्तम मोडल भएको मन्त्री अधिकारीको भनाइ थियो । मध्यबिन्दु अस्पतालमा बन्दै गरेको नयाँ भवन, अक्सिजन प्लान्ट, कर्मचारीको अवस्थाका बारेमा उनले जानकारी लिइन् ।
मन्त्री अधिकारीले कोल्हुवामा रहेको स्वास्थ्य कार्यालय, नवलपरासी पूर्वमा पुगेर कार्यालयको अवस्थाको बारेमा जानकारी लिइन् । कार्यालयका प्रमुख केशवप्रसाद चापागाईंले कार्यालयको भौतिक संरचना र्निमाण गर्न आवस्यक रहेको बताए । जिल्लामा जनसंख्याको आधारमा सेवा प्रवाह गर्ने स्वास्थ्य सेवा दिने कार्यालय एकदम कम भएको चापागाईंले जानकारी दिए ।
जिल्लामा अहिले पनि २५ प्रतिशत बालविवाह, गर्भपतन पनि अनियन्त्रित रहेको उनको भनाइ थियो । यो अवस्थालाई नियन्त्रणमा ल्याउन आवस्यक रहेकोमा उनले जोड दिए ।
आरुङखोलासिथत जिल्ला आर्युवेद स्वास्थ्य केन्द्रका पनि उनले सो क्रममा अनुगमन गर्नु भयो । मन्त्री अधिकारीले जंगलमा खेर गएका जडिबुटीलाई संकलन, भण्डारण, प्रशोधन गर्ने कार्यलाई प्रभावकारी रुपमा अगाडि बढाउने बारे मन्त्रालयले आवस्यक गृहकार्य सुरु गर्ने बताइन् । कार्यालय प्रमुख डा. सुजाता शर्माले कार्यालयको अवस्थाको बारेमा मन्त्रीलाई जानकारी गराइन् ।
नवलपुरमै रहेको प्रदेशकै नमुना प्राकृतिक चिकित्सालयको रुपमा चिनिएको सामुदायिक प्राकृतिक चिकित्सालय, रजहरमा पनि मन्त्री अधिकारीले भ्रमण गरिन् । क्रममा त्यहाँ उपचाररत गण्डकी प्रदेशको प्रदेशसभा सदस्य प्रभा कोइरालाको स्वास्थ्य अबस्थाको बारेमा उनले जानकारी लिइन् । रजहरलाई प्राकृतिक चिकित्साको हब बनाउन उनले जोड दिइन् । प्रदेशको गौरवका रुपमा रजहरको प्राकृतिक चिकित्सालय अगाडि आउनेमा आफू विश्वस्त रहेको उनको भनाइ थियो ।
भ्रमणको क्रममा जिल्लामा रहेका पार्टी कार्यकर्ता, शुभचिन्तक, जनयुद्धका पुराना कार्यकर्तासँग पनि उनले भेटघाट गरिन् । माओवादी जनयुद्धमा लागेको पुराना कार्यकर्ताहरुले घाइते, अपांगको उपचारका बारेमा गरिएको निर्णयको प्रशंसा गरेका थिए ।
Related News
सम्बन्धित समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
hero news full width
मुख्य समाचार
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१