पोखरा । नेपाल चेम्बर अफ कमर्स गण्डकीमा किसान सुनार अध्यक्षमा नयाँ कार्यसमितिले पूर्णता पाएको छ ।
संस्थाको शनिबार पहिलो साधारण सभा तथा निर्वाचनबाट उपाध्यक्षमा श्रीबहादुर गुरुङ, महासचिवमा देवराज शर्मा, सचिव विष्णुकुमार श्रेष्ठ र कोषाध्यक्षमा तेजेन्द्र पौडेल निर्विरोध रुपमा चयन भए ।
सदस्यमा विजय हिराचन, भरतबहादुर रकाल, महेन्द्रमोहन भट्टराई, ज्ञानु अधिकारी, तारानाथ ढुंगाना, प्रकाश न्यौपाने, टीकाकुमारी गुरुङ, गंगाप्रसाद श्रेष्ठ, विष्णुकुमारी गुरुङ ‘एकता,’ युवराज खतिवडा र अरुण गिरी छन् । अध्यक्ष सुनारलाई अघि नै केन्द्रीय समितिले मनोनीत गरेको थियो ।
साधारणसभामा बोल्दै नेपाल चेम्बर अफ कमर्स केन्द्रीय अध्यक्ष राजेन्द्र मल्लले बिउँ पुँजी संकलन गरेर उत्पादनमुखी कार्यक्रम गर्न आग्रह गरे । उनले एकलभन्दा सामूहिक रुपमा व्यवसायमा जान सुझाव दिए । उनले कृषि, जडिबुटी, सुन्तला र सूचना प्रविधिको क्षेत्रमा काम गर्न आग्रह गरे ।
स्याङ्जा र गोरखामा सुन्तला खेती र हिमाली जिल्लामा जडिबुटी खेतीको सम्भावना रहेको चर्चा गर्दै उनले नयाँ प्रविधि मार्फत व्यवसायिक परियोजना गरे केन्द्रले सहयोग गर्ने बताए । कोभिड १९ का कहरले उद्योगी व्यवसायीलाई आफै उत्पादन गरेर आत्मनिर्भर बन्न सिकाएको बताए । उनले मिल्दोजुल्दो व्यवसाय गर्ने कर्पोरेट कार्यालय खोलेर काम गर्न सुझाव दिए । चेम्बर अरु निजी क्षेत्रको संस्थाभन्दा फरक भएको दाबी गर्दै उनले आफैं अग्रसर भएर उद्योग व्यवसाय प्रवद्र्धन गर्न आग्रह गरे ।
भर्चुअल जुम प्रविधिबाट भएको कार्यक्रममा नेपाल चेम्बर अफ कमर्स (जिल्ला तथा नगर) उपाध्यक्ष दीपक श्रेष्ठले प्रदेश, जिल्ला तथा नगरका उद्योगी व्यवसायीलाई समेटेर संस्थागत विकासमा लाग्ने बताए ।
गण्डकी प्रदेश चेम्बर अफ कमर्स गण्डकी अध्यक्ष किसान सुनारले गण्डकी प्रदेशको समृद्धिका लागि अल्पकालीन र दीर्घकालीन योजना बनाएर काम गर्ने उल्लेख गरे । उनले प्रविधिमैत्री सचिवालय बनाएर समग्र उद्योगी व्यवसायीका हकहितमा काम गर्ने बताए । स्थानीय सरकारसँग मिलेर व्यावसायिक परियोजना चलाउने उल्लेख गर्दै उनले चेम्बरले गण्डकी प्रदेशमा लगानी सम्मेलन गर्ने घोषणा गरे ।
नेपाल चेम्बर अफ कमर्सका केन्द्रीय सदस्य भाइचन्द्र श्रेष्ठ, निर्मला लम्साल, वागमती प्रदेश चेम्बर अफ कमर्सका अध्यक्ष सिद्धिलाल श्रेष्ठले सबै उद्योगी व्यवसायीलाई कोभिड १९ विरुद्धको खोपको व्यवस्था गर्न सरकारसँग माग गरे ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१