मनाङ । गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोखरेल उद्धार र राहत सामग्रीसहित बिहीबार मनाङ आएका छन् । २ दिनअघि भारी वर्षाका कारण मनाङका विभिन्न ठाउँमा ठूलो क्षति पुगेको थियो ।
गृह मन्त्रालयको समन्वयमा व्यवस्था भएको नेपाली सेनाको हेलिकोप्टरमा मुख्यमन्त्रीसहितको टोली उद्धार र राहतका लागि बिहीबार दिउँसो मनाङ आएको हो । मौसम खराबीका कारण टोली उद्धार कार्यमा भने खटिन पाएको छैन । एक्कासि मौसम खराबीले हेलिकोप्टर उड्न नपाउँदा टोली मनाङ सदरमुकाम चामेमै बसेको छ ।
यसैबीच, मुख्यमन्त्री पोखरेलले पोखरा फर्केपछि तत्काल व्यवस्थापनका लागि बजेट प्रबन्ध गर्ने बताएका छन् । ‘हामी यहाँबाट फर्केर तत्काल व्यवस्थापनका लागि बजेटको प्रबन्ध गर्नेछौं,’ मुख्यमन्त्री गुरुङले भने, ‘बाढीपहिरो पीडितको उद्धार र राहतमा सरकार प्रतिबद्ध छ ।’ उनले सरकारले उद्धारमात्र हैन, राहत र बसोबासको व्यवस्था मिलाउने समेत आश्वासन दिए ।
मुख्यमन्त्री पोखरेलले बाढीपहिरो पीडितको उद्धार र राहतमा सरकार प्रतिबद्ध छ ।
टोलीमा सहभागी प्रदेशका मन्त्री राजीव गुरुङ (दीपक मनाङे) ले फोटो खिच्न नभइ जनताको दुख बुझ्न आएको स्पष्ट पारेका छन् । जनताको समस्या नजिकबाट बुझेको बताउँदै पोखरा फर्केपछि उद्धार र राहतमा थप कार्यक्रम ल्याउने उनको भनाइ छ । प्रधानमन्त्रीले २ घन्टादेखि हेलिकोप्टर चामेमा थन्क्याएर राजनीति गरेको मन्त्री गुरुङले आरोप लगाएका छन् । राजनीतिको नाममा प्रधानमन्त्रीले चामेमै हेलिकोप्टर यत्तिकै राखेको उनले बताए । मनाङमा अहिले खानेपानी र खाद्यान्नकै समस्या छ । मनाङ जाने बाटो ठाउँ ठाउँमा पहिरो गएको छ भने ६ वटा पुल बगाएको छ । खाद्यान्न र उद्धारका लागि हेलिकोप्टरकै भर पर्नु परेको छ ।
बाढीपहिरोमा परेर घाइते भएका १२ जनालाई बिहीबार पोखरा ल्याउने तयारी गरिए पनि सफल भएन । विशेषगरी गर्भवती, दीर्घरोगी र बालबालिकाहरु लिएर पोखराका लागि उडेको हेलिकोप्टर पुनः फर्किएको छ । मौसममा एक्कासि बदली भएकाले हेलिकोप्टर उद्धारमा पनि खटिन पनि पाएको छैन । सुरुआतमा प्रभु एयरको हेलिकोप्टरमा फर्किन लागेकोमा असफल भएपछि बगरछापमा ल्यान्ड भएको थियो । पछि सेनाकै हेलिकोप्टर पनि केहीबेर उडेर मौसम खराबीले चामेमै फर्किएको छ । मुख्यमन्त्रीसहितको टोली बिहीबार राति सदरमुकाम चामेमा बसेको छ ।
मनाङमा ५ हजार मिटरभन्दा उच्च ठाउँमा यार्सा टिप्न गएकाहरु केही मानिसहरु अड्किएका छन् । उनीहरुको शुक्रबार उद्धार हुनेछ । २५–२५ जनाको ४ टोली यार्सा टिप्न लेकमा गएकामध्ये एउटा टोलीमात्र सम्पर्कमा आएका छन् । उनीहरुमध्ये केही गोठमा आश्रय लिएर बसेका छन् भने नभेटिएकाहरुको बिहान हेलिकोप्टरले रेकी गरेको भए पनि भेटिएको थिएन ।
औषधी, खाद्य सामग्री र टेन्ट लिएर मुख्यमन्त्री पोखरेल, मन्त्री गुरुङ, मनाङका सांसद चिन्तबहादुर घलेसहित सञ्चारकर्मी आएका हुन् ।
Related News
सम्बन्धित समाचार
बुद्धजयन्तीमा याङ्जाकोटमा मेला
जेसीज सप्ताहमा रक्तदान
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१