हेमजा । रोजगारीक सिलसिलामा दक्षिण कोरिया रहेका कस्केलीहरुले नेपालमा कोरोना भाइरस रोकथामका लागि सहयोग संकलन सुरु गरेका छन् ।

विश्वव्यापी फैलिएको भाइरसको दोश्रो लहरको महामारीले आफ्नो मातृभूमि आक्रान्त बनेको ठहर गर्दै त्यस्तै प्रयास थालिएको हो । जसलाई कास्की परिवार दक्षिण कोरियाले एक हप्ते अभियानका रुपमा अगाडि बढाएको छ । जस मार्फत अक्सिजन र औषधीजन्य सामग्रीहरुको अभाव पुर्तिमा सहयोग पुग्ने संस्थाको विश्वास छ ।

अभियानलाई सफल बनाउन शनिवार कार्यसमिति, संरक्षक र सल्लाहकार समिति सहितको भर्चुअल बैठक सम्पन्न भयो । जसमार्फत आजीवन सदस्य, साधारण सदस्य, बुद्धिजीवि, व्यवसायी लगायत सम्बन्धीत सबैसँग अपिल गरिएको छ ।उक्त बैठकले व्यक्तिगत सहयोगका अलवा संस्थाको मूल कोषबाट कम्तिमा १० लाख वन सहयोग गर्ने निर्णय पनि गरेको त्यहाँबाट सदस्य पुष्प भण्डारीले जानकारी दिए ।

हालसम्म प्रविण गिरीबाट १ लाख, विनोद दाहाल १ लाख, राम सापकोटाबाट १ लाख, पुष्प भण्डारीबाट ७५ हजार, रामचन्द्र रालबाट ५१ हजार, टेकनाथ भण्डारीबाट १ लाख वन सहयोग संकलन गरिएको छ ।

त्यसैगरी रामचन्द्र अधिकारीले २२ हजार २ सय २२, रेशम सुवेदीले ३५ हजार, गणेशप्रसाद अधिकारीले २० हजार, राम थापाले ५० हजार, टोपबहादुर गुरुङले ३५ हजार, बिक्रम कुँवरले २० हजार, रोहन क्षत्रीबाट ५० हजार, कमल आचार्यबाट २५ हजार, हिसप श्रेष्ठबाट २० हजार, कृष्णप्रसाद अधिकारीले ३० हजार, प्रदीप मगरले २० हजार, विष्णु श्रेष्ठबाट ३५ हजार, लालुप्रसाद आचार्यबाट २२ हजार २ सय २२, गोविन्द बास्तोलाबाट ११ हजार, बुद्धि गुरुङले ५० हजार, आरती ह्याल्मोबाट २० हजार, असीम श्रेष्ठबाट २० हजार वन संहयोग संकलन भइसकेको छ । सहयोग उठ्ने क्रम पनि जारी छ ।

सहयोग गर्न चाहनेले त्यहाँ स्थित आइबिके बैकको खाता नं. २२१४१७९९५०२०११ रकम जम्मा गर्न सकिने पनि जनाइएको छ ।असअघि पनि संस्थाले बाढी, पहिरो जस्ता विपद्मा सहयोग गर्दै आएको छ ।