पोखरा । आदर्श समाज दैनिकले रजत जयन्ती मनाएको छ । २०५३ साल वैशाख १ मा पाक्षिक पत्रिकाबाट प्रकाशन आरम्भ गरेको आदर्श समाजले स्थापनाको २६ औं वर्षमा प्रवेश गरेको हो । यसै अवसरमा पत्रिकाको रजिस्टर्ड कार्यालय बुधबार पोखरा–१४ चाउथेमा रजत जयन्ती समारोह तथा सम्मान कार्यक्रम गरिएको छ ।
कार्यक्रममा गण्डकी विश्वविद्यालयका कुलपति प्राडा गणेशमान गुरुङले राज्यलाई सही दिशा दिन पत्रकारको भूमिका महत्वपूर्ण हुने बताए । उनले कुनै पनि पार्टीको आडमा नलागी निष्पक्ष ढंगले जनतामाझ समाचार पस्किनुपर्ने सुझाव दिए । आपूmले दैनिक रुपमा पढ्ने पत्रिकामा आदर्श समाज पनि रहेको उल्लेख गर्दै उनले पत्रिका २५ औं वर्ष पार गरेको उपलक्ष्यमा अझै उन्नति र प्रगतिको शुभकामना दिए ।
धेरै वटा राजनीतिक नियुक्ति खानेमा आफू पनि पर्ने बताउँदै आफ्नो विज्ञता र अनुभव बाँड्न गण्डकी विश्वविद्यालयमा आबद्ध भएको उनले स्पष्ट पारे । नेपाल पत्रकार महासंघका केन्द्रीय सदस्य त्रिभुवन पौडेलले पोखराको पत्रकारितामा आदर्श समाज एक धरोहर भएको बताए । उनले कोभिड–१९ महामारीले पत्रकारको पेसा र सञ्चारमाध्यम धरासायी भएको बताए । उनले सञ्चारमाध्यम बचाइराख्न विग हाउसहरुले सहयोग गर्नुपर्ने भन्दै पोखरा पर्यटकीय सहर भइकन पनि पर्यटन क्षेत्रबाट खासै विज्ञापन सहयोग हुन नसकेको बताए ।
नेपाल पत्रकार महासंघ कास्कीका नवनिर्वाचित अध्यक्ष विमला भण्डारीले पत्रकारको छाता संगठन पत्रकार महासंघ भएकोले पत्रकारको हकहितका लागि काम गर्न आफू प्रतिबद्ध रहेको उल्लेख गरिन् । उनले आदर्श समाज दैनिकले यसैगरी सफलताका सय वर्ष पार गरोस् भनी शुभकामना दिइन् ।
आदर्श समाज बहुमुखी प्रकाशन प्रालिका अध्यक्ष एवं पत्रिकाका प्रधानसम्पादक कृष्णप्रसाद बास्तोलाले पत्रिका यहाँसम्म आइपुग्न सहयोग गर्ने सम्पूर्ण कर्मचारी, पाठक, शुभचिन्तक, विज्ञापनदाता लगायतप्रति आभार प्रकट गरे । उनले विगत स्मरण गर्दै आदर्श समाज सधैँ देशको समृद्धिका लागि स्वतन्त्र पत्रकारितामा कटिबद्ध रहेको बताए ।
पत्रिकाका सम्पादक भरत कोइरालाले आदर्श समाजलाई छापासहित सयमक्रम अनुसार अनलाइन तथा युट्वमा पनि परिस्कृत गर्दै लगिने बताए ।
पत्रकार महासंघको २६ औं महाधिवेशनमा यस क्षेत्रबाट केन्द्र, प्रदेश तथा जिल्लामा निर्वाचित पदाधिकारी तथा सदस्यलाई उक्त अवसरमा सम्मान गरिएको थियो । उनीहरुलाई माला पहि¥याउँदै मायाको चिनो प्रदान गरिएको थियो ।
नयाँ वर्ष २०७८ को शुभकामनासहित रजत जयन्ती अवसरको सुखद अवसरमा केक समेत काटेर खुसी साटासाट गरिएको थियो ।
यस्तै पत्रिकाको ग्राहक बनेवापत् लक्की ड्र खोलिएको छ । क्रियटिभ प्रेसका सञ्चालक दामोदर आचार्यको उपस्थितिमा प्रमुख अतिथि गण्डकी विश्वविद्यालयका कुलपति प्राडा गणेशमान गुरुङ लगायतले लक्की ड्र खोलेका हुन् । जसमा कुपन नं. १६६० ले ३२ इन्चको एलइडी टिभि उपहार प्राप्त गरेको छ । यस्तै, कुपन नं. ९७५ र २३५६ लाई राइस कुकर, कुपन नंं २६७३, ७२४ र ८७५ लाई आइरन तथा कुपन नं. २४९७, ५८३, २८१५, २९३९ र २४७६ का ग्राहकले भित्तेघडी पाएका छन् ।
प्रेस काउन्सिलको वर्गीकरणमा निरन्तर ‘क’ श्रेणीको आदर्श समाज दैनिकको कर्पोरेट कार्यालय पोखरा–८, न्युरोडमा छ ।
Related News
सम्बन्धित समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
hero news full width
मुख्य समाचार
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१