पोखरा : पाक्षिक पत्रिकाका रुपमा सुरु भएको आदर्श समाजको निरन्तरको यात्रा २६ औं वर्षमा प्रवेश गरेको छ । यो अवसरमा म आदर्श समाज बहुमुखी प्रकाशन प्रालिका तर्फबाट पाठक, बिक्रेता, विज्ञापनदाता, विज्ञापन एजेन्सी, यस कम्पनीका सम्पूर्ण कर्मचारी, शुभेच्छुक संघसंस्था एवं सम्पूर्ण महानुभावलाई हार्दिक शुभकामना व्यक्त गर्दछु । आदर्श समाजले २५ वर्ष अगाडि यात्रा थाल्दा मुलुक सशस्त्र द्वन्द्वमा थियो । तत्कालीन अवस्थामा पश्चिमाञ्चल विकास क्षेत्रको केन्द्र पोखरामा व्यावसायिक पत्रकारिताका लागि आँट गर्नु नै चुनौतीपूर्ण थियो । प्रयास गरेमात्रै सफलता चुम्न सकिन्छ भन्ने मान्यता बोकेर विभिन्न आरोह अवरोध खेप्दै हामी निरन्तर अगाडि बढिरह्यौं । २०५३ वैशाख १ मा यस पत्रिकाको पहिलो अंक प्रकाशित भएको थियो । त्यसको १ वर्षपछि साप्ताहिक र २०५४ माघ १९ श्रीपञ्चमीका दिनबाट दैनिक रुपमा आदर्श समाज प्रकाशन हुँदै आएको छ ।
चरम सशस्त्र द्वन्द्वमात्र होइन विभिन्न खाले राजनीतिक परिवर्तको साक्षी बनेको छ आदर्श समाज । पोखरामा व्यावसायिक पत्रकारिताको जग बसाल्दै गर्दा यहाँको समाजलाई सुसूचित गर्न हामीले सक्दो प्रयास गर्याै । भुर्इंमान्छेहरुका आवाज बोल्नेदेखि समाजमा व्याप्त विकृति र विसंगतिका विरुद्ध पनि खबरदारी गरिरह्यौं । २०५७ साउन ७ मा वेब मेसिनबाट प्रकाशन सुरु गर्दा आदर्श समाज राजधानी काठमाडौं बाहिरको १ मात्र ब्रोडसिट पत्रिका थियो । यही उत्साहलाई कायम राख्दै २०५८ माघ १७ बाट हामीले नवलपरासीको गैंडाकोटबाट तराई संस्करणको प्रकाशन थाल्यौं । राजनीतिक अस्थिरताका कारण उकासिन नसकेको आर्थिक अवस्थासँग जुध्दै हामी यहाँसम्म आइपुगेका छौं ।
जस्तासुकै चुनौती आइपरे पनि समाचार, विश्लेषणका साथमा सूचना प्रवाहमा हामी अविचलित र अविराम यात्रामा छौं । पत्रिका स्थापनाकालमै गरेको निश्पक्षताको प्रतिबद्धतामा कति पनि कमी आउन दिएका छैनौं । संविधानसभाबाट संविधान निर्माण भई कार्यान्वयनमा जाँदा ३ वटै तहका निर्वाचन भए । अरु क्षेत्रसँगै पत्रकारिता पनि स्वभाविक रुपमा फस्टाउने आशा थियो । राजनीतिक संक्रमणको अन्त्य भई आर्थिक विकास र समृद्धिको पथमा लम्कँदै गर्दा फेरि अन्यौल सिर्जना भएको छ । एकातिर अनुदार राज्यपक्ष त अर्कोतिर अस्थिर आर्थिक अवस्थासँग जुध्दै मिडिया अगाडि बढ्नुपर्ने वाध्यता छ । यी तमाम चुनौती सामना गर्दै निश्पक्ष र स्वतन्त्र पत्रकारिताबाट हामी कदापि विचलित हुनेछैनौं । नववर्ष २०७८ को शुभकामना ।
अध्यक्ष/प्रधान सम्पादक
कृष्णप्रसाद बास्तोला
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१