पोखरा । अख्तियार दुरुपयोग अनुसन्धान आयोग पोखराका नवनियुक्त प्रमुख रमेशप्रसाद शिवाकोटीलाई मंगलबार भ्रष्टाचारविरुद्धको नागरिक निगरानी समूहले स्वागत गरेको छ ।
स्वागतसँगै अहिलेसम्म भएका कामका बारेमा जानकारी गराउँदै अन्तर्क्रिया पनि गरेको छ । भ्रष्टाचारविरुद्धको नागरिक निगरानी समूह संयोजक वरिष्ठ अधिवक्ता तिलक पराजुलीले आयोग सञ्चालनका लागि अख्तियार सेवा आवश्यक रहेका बताएका छन् ।
उनले अख्तियार संवेदनशील कार्यालय भएको बताउँदै प्रमुख फेरिरहँदा काम गर्न असहज हुने बताए । ‘बेला बेलामा प्रमुख परिवर्तन हुँदा नयाँ आउनेलाई काममा लय समात्न केही समय अवश्य लाग्छ,’ उनले भने, ‘एउटै प्रमुख भएमा काम सरल ढंगबाट अगाडि बढ्छ, यसका लागि अख्तियार सेवा आवश्यक पर्छ ।’ पाठ्यक्रममा नै सदाचारको कोर्ष बनाएर अगाडि बढाउनुपर्ने उनको भनाइ थियो ।
भ्रष्टाचार राजनैतिक नेतृत्वबाट नै भएको भन्दै उनले जराबाटै सुध्रन आवश्यक रहेको उनले बताए । निर्णयका लागि संसदीय सुनुवाई नभई सार्वजनिक सुनुवाई आवश्यक रहेकोमा उनले जोड दिए ।
नागरिक निगरानी समूह पोखराका संस्थापक रामबहादुर पौडेलले आयोगसँग हरेक क्षेत्रमा सहकार्य गर्न तयार रहेको बताए । समाजमा हुने विकृति विसंगतिविरुद्ध लड्न आफूहरु सधैं तयार रहने उनको प्रतिबद्धता थियो । कार्यक्रममा आयोगका सूचना मेघनाथ रिजालले अधिकारीले अरु प्रदेशभन्दा गण्डकी प्रदेशमा भ्रष्टाचारको मुद्दा कम परेको बताए । मुद्दा कम भए पनि समग्रमा अवस्था जटिल नै रहेको जानकारी गराए ।
आयोग पोखराका नवागन्तुक प्रमुख रमेशप्रसाद शिवाकोटीले आफूहरुले क्षेत्राधिकार भन्दा बाहिर गएर काम गर्न नसक्ने जानकारी गराए । आयोगले सूक्ष्म अनुसन्धान गर्नुपर्ने भएका कारण काममा केही ढिलो हुने उनले बताए । सबै निर्णय गर्नका लागि आयोग नै धाउनुपर्ने कारण पनि काम सुस्त हुने गरेको उनको भनाइ छ । लामो समय एउटा मान्छे एउटै अफिसमा काम गर्दा भ्रष्टाचार बढ्न सक्ने भएका कारण प्रमुख र कर्मचारी सरुवा भइरहनुपर्ने प्रमुख शिवाकोटीको धारणा छ । भ्रष्टाचार निवारणका लागि जनताको सूचनाको खाँचो रहेको उनको भनाइ छ ।
कार्यक्रममा आयोगको पोखरा कार्यालयका देवेन्द्र पाण्डे, नागरिक समाजका प्रतिनिधिले जिज्ञाशा र सुझाव राखेका थिए ।
Related News
सम्बन्धित समाचार
पामेका अनधिकृत संरचनामा महानगरको डोजर
गण्डकी प्रदेश सभाको बैठक ३० मिनेटका लागि स्थगित
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१