हेमजा । जनयुद्ध ताका डोटीका मनोज धामीका बुवाको निधन भयो । असाध्यै माया मान्ने घरमूलीको निधनसँगै परिवार नै विक्षिप्त भयो । समय बित्दै जाँदा धामी परिवारले पीडा भुल्ने कोशिस ग¥यो तर सकेन ।
यसैक्रममा मनोज डोटीस्थित सहिद स्मृति विद्यालय पढ्न थाले । २०७६ मा एसइई दिएसँगै उनलाई कक्षा ११ मा विज्ञान विषय पढ्ने तीव्र इच्छा जाग्यो । यद्यपि उनको त्यो इच्छा उक्त विद्यालयबाट पूरा हुन सक्ने अवस्था थिएन । त्यसैले अध्ययनका लागि यसै वर्षदेखि पोखरास्थित सहिद स्मृति आवासिय माविमा भर्ना भए ।
हाम्रा आमाबुवाले राष्ट्र निर्माणका लागि भन्दै आहूति दिनुुभयो, राज्यमा परिवर्तन पनि आयो, तर हाम्रो शिक्षामा राज्य अझै पनि अनुदार बनेको छ
उनको पढाइ राम्रो छ । कक्षा ११ सँगै १२ पनि राम्रो ग्रेड ल्याई उत्तीर्ण हुने धामीको सोच छ । योसँगै उनलाई कहिलेकाहीँ एउटा गहिरो चिन्ताले पनि छुन थालेको छ । माध्यमिक तह उत्तीर्ण भएसँगै आफ्नो अध्ययन कसरी अगाडि बढाउने होला ? भन्ने छट्पटि समेत हुन थालेको छ ।
कक्षा १२ सम्म त निःशुल्क यही विद्यालय पढ्न पाइन्छ, त्यसपछि पैसाका कारण अध्ययनलाई निरन्तरता दिन नसकिने पो हो कि ? भन्ने उनलाई लागेको छ ।
सोही विद्यालयको कक्षा ९ पढ्ने चरित्रा भण्डारीको चिन्ता पनि धामीको सँगै मिल्दो छ । युद्घको क्रममा बुबा गुमाउँदाको पीडा त एकातिर छ नै अर्कोतिर कक्षा १२ पछि आफ्नो भविष्यबारे कसले सोचिदेला भन्ने यतिबेला उनलाई खड्किएको छ ।
धामी र भण्डारी प्रतिनिधि पात्र हुन् । उनीहरु जस्तै सोही विद्यालयमा विभिन्न जिल्लाका २ सय ५० सहिद, बेपत्ता, घाइते परिवारका विद्यार्थी अध्ययनरत छन् । उनीहरुले तत्कालीन जनयुद्घमा शाहदत प्राप्त सहिदका छोराछोरीको उच्च शिक्षा अध्ययनमा अन्योलता रहेको भन्दै त्यसमा सहजीकरण गर्न माग गरेका छन् ।
सहिद सप्ताह अवसर पारी विद्यालयले आयोजना गरेको एक कार्यक्रमबीच उनीहरुले त्यस्तो माग गरेका हुन् ।
‘हाम्रा आमाबुवाले राष्ट्र निर्माणका लागि भन्दै आहूति दिनुुभयो, राज्यमा परिवर्तन पनि आयो, तर हाम्रो शिक्षामा राज्य अझै पनि अनुदार बनेको छ,’ उनीहरुको माग छ ।
कक्षा १२ अध्ययनपछि आफूलाई पठनपाठनमा समस्या रहेको विद्यार्थीले सुनाए । छात्रवृत्ति पाउने सम्भावना नै छैन, हामीसँग पैसा छैन, परिवार गुमाइसक्यौँ, अब हाम्रो भविष्य कसले हेरिदिन्छ कक्षा ९ की चरित्रा भण्डारीले दुखेसो पोखिन् । अझै पनि राज्यको मूलप्रवाहले सहिद, बेपत्ता, घाइते परिवारलाई उचित सम्मान गर्न नसकेको विद्यार्थीको गुनासो छ ।
प्रअ मोना गिरीले सहिद परिवारका छोराछोरीको उच्च शिक्षा अध्ययनमा राज्य गम्भीर बन्नुपर्ने औँल्याइन्। उनले अहिले पनि आवासीय खानपिन, पौष्टिक आहार, पाठ्यपुस्तक र पोशाकमा पनि विद्यार्थीलाई समस्या भइरहेको अनुभव राखिन् । २०७४ यता राज्यद्वारा प्रदान गरिने अनुदान रकम नबढ्दा विद्यालय सञ्चालन समस्या भइरहेको उनको भनाइ छ ।
विद्यालयमा स्थानीयका १ सय, विभिन्न जिल्लाका सहिद, बेपत्ता, घाइते, अपाङ, भूकम्प प्रभावित परिवारका छोराछोरी समेत गरी २ सय ५० जना अध्ययनरत छन् ।
त्यस्तै, दोलखा, सुनसरी, दाङ र डोटीमा पनि सोही प्रकृतिका विद्यालय सञ्चालित छन् । तत्कालीन माओवादी जनयुद्घका प्रथम सहिद गोरखा निवासी दिलबहादुर रम्तेल तथा झापा विद्रोहमा (सुखानीको जंगल) शाहदत प्राप्त रामनाथ दाहाल, नेत्र घिमिरे, कृष्ण कुइँकेल, नारायण श्रेष्ठ र वीरेन राजवंशीको स्मृतिमा हरेक वर्ष फागुन १४ देखि २१ सम्म सहिद सप्ताह मनाइँदै आएको छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१