पोखरा । ‘सिद्धि¬–सेतुली स्मृति पुरस्कार–२०७७’ बाट हस्तकला उद्यमी तथा महिला सशक्तीकरणकी अभियन्ता हीरा भट्टराई सम्मानित हुने भएकी छन् । साथै ‘सानिमा स्मृति पुरस्कार’ बाट सिर्जना बहिरा आवासीय माविकी शिक्षक प्रमिला थकालीलाई सम्मान गरिने भएको छ ।
सिद्धि–सेतुली स्मृति प्रतिष्ठान पोखराद्वारा सञ्चालित दुवै पुरस्कारको राशि १५÷१५ हजार रुपैयाँ र सम्मानपत्र छ । पुरस्कार राशि यस वर्ष ५ हजार बढाइएको हो । प्रतिष्ठान अध्यक्ष कृष्णप्रसाद बास्तोलाको अध्यक्षतामा शनिबार बसेको बैठकले उक्त निर्णय गरेको छ । संस्थाको सल्लाहकार नारायण कार्कीको संयोजकत्वमा गठित प्रतिभा छनौट समितिले उक्त पुरस्कारद्वारा यस वर्ष हीरा भट्टराई र प्रमिला थकालीलाई सम्मान गर्न सिफारिस गरेको थियो ।
आमा सेतुलीमाया शाक्यको २०६३ माघ ७ गते निधन भएको थियो । उनको वार्षिक पुण्यतिथिमा २०६४ माघ ७ मा उनको परिवारले आमाको स्मृतिमा अक्षयकोष राखी पुरस्कार स्थापना गरेको थियो ।
सानिमाको २०७४ माघ ४ गते निधन भएको थियो । ‘सानिमा स्मृति पुरस्कार तथा सम्मान’ का लागि संस्थाका संस्थापक विश्वरत्न शाक्यको परिवारजनले ५ लाखको अक्षयकोष स्थापना गरेको थियो । आमा सेतुलीमाया शाक्यको १४ औं पुण्यतिथि तथा ‘सानिमा’ को पुण्य स्मृतिमा माघ ७ गते पुरस्कार वितरण कार्यक्रम रहेको संस्थाका सचिव इन्द्रकमल मानन्धरले जानकारी दिइन् ।
सिद्धि–सेतुली स्मृति पुरस्कार प्राप्त हीरा भट्टराई हस्तकला उद्यमी तथा महिला सशक्तीकरणकी अभियन्ता हुन् । उनी विभिन्न संघसंस्थामा आवद्ध छन् । सानिमा स्मृति पुरस्कार प्राप्त प्रमिला थकाली शिक्षिका हुन् । अपांगता भएकी थकाली अपांगताको हकहितका लागि विभिन्न संघसंस्थामा आवद्ध छन् ।
सिद्धि–सेतुली स्मृति पुरस्कारबाट यसअघि क्रमशः यशोदा राजभण्डारी, लक्की क्षत्री, जैनव खातुन, मीना गुरुङ, रामकली खड्का सम्मानित भइसकेका छन् । सानिमा स्मृति पुरस्कारबाट हेम गुरुङ सम्मानित भएका हुन् । अपांगता भएकी सानिमाको स्मृतिमा स्थापित कोषबाट लेखनाथ अर्घाै स्मृति सिर्जना बहिरा माविका २५ जना छात्रछात्रालाई बर्सेनि शैक्षिक सामग्री प्रदान गरिने जनाइएको छ ।
Related News
सम्बन्धित समाचार
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
पृथ्वीराजमार्ग विस्तार : मुआब्जा बुझाइयो तर घर भत्काइएन
शिवशक्ति मार्ग टोल विकास संस्थाद्वारा ४४ ज्येष्ठ नागरिकको सम्मान
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१