पोखरा । प्रतिनिधिसभा विघटनविरुद्ध प्रमुख प्रतिपक्षी दल नेपाली कांगे्रसले सोमबार देशभर प्रदर्शन गरेको छ । कांग्रेस केन्द्रीय समितिको बैठकले देशका १ सय ६५ संघीय निर्वाचन क्षेत्रमा पार्टीका क्षेत्रीय कार्यसमितिको आयोजनामा एकसाथ प्रदर्शन गर्ने निर्णयबमोजिम सोमबार प्रदर्शन गरेको हो ।
दमौलीमा आयोजित कार्यक्रममा नेपाली कांग्रेस वरिष्ठ नेता रामचन्द्र पौडेलले संसद विघटनले देशको अस्तित्व नै खतरामा परेको बताएका छन् । तनहुँ क्षेत्र १ को विरोध सभालाई दमौलीमा सम्बोधन गर्दै वरिष्ठ नेता पौडेलले तोकिएको समयमा चुनाव नभएमा यो देश हिंसाको अखडा बन्ने दाबी गरे ।
‘देश र संविधान नै फाल्ने दुराशयले संसद विघटन गरिएको छ’, उनले भने, ‘देशलाई भारत, चीन र अमेरिका लडाउने अखडा बनाउने ठूलो षड्यन्त्र हुँदैछ ।’ संसद विघटन राष्ट्रको दूरगामी अहितका लागि भएको उनले बताए । ‘नेपाललाई पाकिस्तानको रुपमा पु¥याउन भयानक षड्यन्त्र छ । यो षड्यन्त्रको भण्डाफोर हुनुपर्दछ’, उनले भने ।
प्रधानमन्त्री केपी शर्मा ओलीले विघटनको सिफारिस गरे तापनि संविधानको संरक्षक भएकाले राष्ट्रपति विद्यादेवी भण्डारीले फिर्ता गर्नुपर्ने उनको धारणा छ । देश विकास गर्न जनताले दुइतिहाइ मत दिएर पठाएका प्रधानमन्त्रीले तमासा देखाएको पौडेलले आरोप लगाए ।
कांग्रेस केन्द्रीय सदस्य गोविन्द भट्टराईले जनताको अधिकार खोसेर यस्तो कदम चाल्दा देशमा ठूलो दुर्घटना भएको बताए । उनले दुइतिहाइ सरकारले केही विकास पनि गर्न नसकेको आरोप लगाए । पार्टीका जिल्ला सभापति वैकुण्ठ न्यौपानेले कांगे्रस चुनावसँग नडराएको स्पष्ट पारे ।
पार्टीका नगरसभापति शान्तिरमण वाग्लेले ४ महिनाभित्रै निर्वाचन नहुने दाबी गर्दै सरकारको अलोकतान्त्रिक कदम हट्नुपर्ने समेत बताए । राष्ट्रियसभा सदस्य प्रकाश पन्तले ओलीको हरेक कार्य असंवैधानिक रहेको टिप्पणी गरे । सोमबार तनहुँ क्षेत्र २ मा पनि विरोध प्रदर्शन भएको छ । प्रदर्शनपछि आयोजित सभालाई नेता प्रदीप पौडेललगायतले सम्बोधन गरेका थिए ।
यसैबीच कास्कीमा जिल्लाका तीन वटै निर्वाचन क्षेत्रमा फरक फरक विरोध प्रदर्शन भयो । कास्की कांग्रेसको समन्वयमा क्षेत्रीय समितिको आयोजनामा कास्की क्षेत्र १ को अर्घौंचोक, क्षेत्र २ को सभागृहचोक, क्षेत्र ३ को पोखरा जिरो किलोमिटर तथा हरिचोकबाट जुलुस सुरु गरिएको थियो । सबै क्षेत्रका विभिन्न स्थानबाट पार्टीका नेता तथा कार्यकर्तासहितको जुलुस सभामा परिणत भएको थियो । क्षेत्र १ को तालचोकमा, २ को सिमलचौरमा र ३ को बागलुङ बसपार्कमा विरोधसभा भएको हो ।
विरोधसभाका वक्ताले ओली नेतृत्वको सरकारले चालेको असंवैधानिक कदमविरुद्ध नेपाली कांग्रेस सडकमा आउन बाध्य भएको बताए । क्षेत्र १ को विरोध सभामा कांग्रेस पूर्व महामन्त्री एवं पूर्व सभामुख तारानाथ रानाभाटले प्रधानमन्त्री ओली राजाभन्दा पनि तानाशाह भएको आरोप लगाए । ओलीले चालेको कदम जनविरोधी भएको भन्दै उनले त्यस्तो असंवैधानिक कदमको विरोध गर्नुपर्ने बताए ।
कांग्रेस केन्द्रीय सदस्य जीवन परियारले दोस्रो विश्वयुद्धपछि जर्मनमा हिटलरले चालेको कदमले अन्तिम अवस्थामा आएर आफै पतन भएको तथ्य प्रस्तुत गरे । पूवमन्त्री यज्ञबहादुर थापाले हिटलर शैलीमा संसद विगठन गरी दुइतिहाइको सरकारले जनताले दिएको मर्त अनादर गरेको आरोप लगाउँदै यो शैलीले नेपालबाट कम्युनिस्ट नै नास हुने अवस्थामा पुगेको ठोकुवा गरे । कार्यक्रम क्षेत्रीय सभापति बृजमान गुरुङको अध्यक्षतामा भएको हो । यसैबीच, कास्की कांग्रेसका सभापति कृष्ण केसीले कांग्रेसले संसद विघटनको असंवैधानिक कदम, सरकारका पछिल्ला गतिविधिविरुद्ध र संविधानको रक्षाको लागि विरोध प्रदर्शन जारी राखिएको बताए ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१