पोखरा, १७ असार । कास्कीका सरकारी कार्यालयमा कार्यरत राजपत्र अनंकित श्रेणीका कर्मचारीहरु पनि आन्दोलित भएका छन् ।
उनीहरुले निजामती कर्मचारीको वृत्तिविकासलाई अवरोध गर्ने गरी प्रतिनिधिसभाको राज्य व्यवस्था तथा सुशासन समितिबाट पारित भएको विधेयकको विरोध गर्दै देशव्यापी आन्दोलनस्वरुप तालनगरी पोखरामा पनि आन्दोलन सुरु गरेका हुन् ।
कर्मचारीहरुले विभिन्न नाराअंकित प्ले–कार्ड बोकेर पोखरा शहीदचोकस्थित जिल्ला प्रशासन कार्यालयअघि बुधबार दिउँसो १ घण्टा धर्ना दिएका छन् । नासु बचाउ अभियान परिचालन सम्पर्क समिति कास्की संयोजक शिवप्रसाद पौडेलले धर्नापछि जिल्ला प्रशासन कार्यालयमार्फत सभामुखसमक्ष ६ बुँदे ज्ञापनपत्र पठाइएको जानकारी दिए । धर्नापछि सो ज्ञापनपत्र प्रजिअ ज्ञानप्रसाद ढकाललाई हस्तान्तरण गरिएको थियो ।
यस्तै, निजामती सेवामा प्रवेश गरिसकेका कर्मचारीलाई निजामती सेवाको पदपूर्ति हुने कुनैै पनि परीक्षामा भाग लिन उमेर हद नलाग्ने र कुनै पनि निजामती कर्मचारीले खुला प्रतिष्पर्धाबाट लोकसेवा आयोग परीक्षा उत्तीर्ण गरेमा अघिल्लो पदको सेवा अवधिसमेत जोड्न पाउनुपर्ने, सबै सेवा समूहका कर्मचारीलाई सम्बन्धित सेवा समूहमा नै बढुवा लगायत वृत्ति विकासको व्यवस्था गर्ने, अर्को सेवा समूहलाई प्रभाव पार्ने गरी सेवा समूह परिर्वतन गर्न नपाउने व्यवस्था मिलाउने, सबै तहमा श्रेणीगत वा तहगत समान व्यवस्था हुनुपर्ने माग गरिएको छ ।
ब्यानर बोकेर आन्दोलनमा सहभागी नासु नवीन पौडेलले आफूहरुको माग राज्यले उचित सम्बोधन गर्नेमा आफूहरु आशावादी रहेको बताए । उनका अनुसार आन्दोलनमा ९३ जना कर्मचारी व्यानरसहित उपस्थित थिए ।
कोभिड–१९ का कारण सामाजिक दूरी कायम गर्दै आन्दोलनकारीले बढुवा प्रतिशत ३० प्रतिशत कायम गर, विभेदकारी ऐन खारेज गर, निजामती कर्मचारीलाई उमेरहद हटाउ, १२ वर्षमा स्वतः बढुवा व्यवस्था होस्, माननीयज्यू, तपाईलाई भुइँ तहका कर्मचारुीको आँसु लाग्ला है, माननीयज्यू, तल्लो तहको कर्मचारीलाई हेला नगर्नुहोस्, प्रतिष्पर्धात्मक परीक्षामा उमेह हद नलाग्ने र सेवा अवधि जोडिने व्यवस्था कायम गर लगायत नाराअंकित प्लेकार्ड बोकेका थिए ।
विधेयकमा कर्मचारीमाथि विभेद गरेको भन्दै मंगलबार काठमाडौं सिहदरबारबाट नासुहरुले आफ्नो आन्दोलन अभियान देशव्यापी बनाउँदै लगेका छन् ।
Related News
सम्बन्धित समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१