पोखरा, बैशाख २४ । विश्वभर फैलिएको कारोना भाइरस नियन्त्रणका लागि सरकारले लकडाउन घोषणा गरेको छ । चैत ११ गतेदेखि सुरु भएको लकडाउन संक्रमित बढेसँगै लकडाउन पनि बढ्दै गएको छ ।
जसको प्रत्यक्ष असर दिनहुँ काम गरेर खाने मजदुरहरुलाई परेको छ । त्यसकारण सरकारले गरेको लकडाउनलाई मध्येनजर गर्दै नदिपुरमा रहेको युवा बौद्ध सँघले बैशाख १५ गतेदेखि विपन्न परिवारहरुलाई भोजन दान गर्दै आएको छ ।
लकडाउनले विपन्न परिवारमाथि परेको समस्यालाई मध्येनजर गर्दै खाना खुलाउने योजना बनाएको युवा बौद्ध सँघका अध्यक्ष सुदिप प्रधानाङ्गले बताए । उनका अनुसार बौद्ध युवा संघले हालसम्म करिब ३ हजार जनालाई भोजन दान गरिसकेको छ ।
कार्यसमिति भित्र रहेका केहि सदस्यहरुबाट पैसा संकलन गरी सुरु गरेको अभियानमा उनीहरुले बैशाख १५ गते ४ सय जनालाई भोजन दान गरेका थिए । उनी भन्छन् ‘हामीले गरेको कामप्रति टोलबासीहरु पनि प्रोत्साहित हुनु भएको थियो । जसकारण अहिले हामीले वडासँगको सहमतिमा १ दिन विराएर भोजन वितरण गर्दै आएका छौ।’
युवा बौद्ध संघलाई बैशाख १७ गते इच्छा शक्ति अटो मोवाइल्सबाट ४ सय प्याकेट खाना, बैशाख १९ गते सिद्धि सेतुली स्मृति प्रतिष्ठान र इनरह्वील क्लब अफ पोखरा मिटटाउनले ४ सय प्याकेट खाना सहयोग गरेको थियो ।
वितरण गरेको ४ सय खानाले नपुगेपछि पछिल्लो सहयोगी दाताहरुले भने ६ सय जनालाई पुग्ने खानाको व्यवस्था गरिदिएका थियो । जसमध्ये बैशाख २१ गते मिलिजुली बुहारी समूहबाट ६ सय प्याकेट खाना, बैशाख २३ बौद्ध उपासिका सँघबाट ६ सय प्याकेट खाना र बैशाख २४ गते भौमचा गु्रप मोहरिया टोलबाट पनि हामीलाई ६ सय प्याकेट खानाको सहयोग आएको सुदिपले जानकारी दिए ।
यस्तै धर्मशिला बुद्धबिहार र युवा बौद्ध सँघले २५ गते (भोलि) परेको २५६४ औँ बुद्ध जयन्तीको अवसरमा हजारौ जनालाई खाना खुलाउने व्यवस्था गरेको छ । हरेक बर्ष भव्यका साथ मनाउँदै आएको बुद्ध जयन्ती कोरोना भाइरसका कारण त्यस बर्ष घरमा नै परिवारसँग बसेर पुजा गरिदिन संघले आग्रह समेत गरेको छ ।
धर्मशिला बुद्ध बिहारको कार्यक्रम फेसबुक पेजबाट लाइभ प्रसारण गरिने हुँदा आ–आफ्नो घरमा बसी बुद्ध पुजा तथा शिल प्राथना गर्ने धर्मशिला बुद्ध बिहारले आग्रह गरेको छ ।
कार्यक्रम बिहान ठिक ७ बजे देखि ७ः४५ बजेसम्म विहारका प्रमुख भिक्षु धजवन्तोबाट हुनेछ । यो सँगै धर्मशिला बुद्धबिहारले बुद्ध जयन्तीको अवसर पारेर ८ः३० बजे खुल्ला रक्तदान कार्यक्रमको पनि आयोजना गरेको छ।
Related News
सम्बन्धित समाचार
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
hero news full width
मुख्य समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१