स्याङ्जा । मुस्लिम समुदायमा रमजान सुरु भएको आज दशौं दिन हो । इस्लाम धर्म अनुसार यो महिनाभर नुवाई धुवाई, सफासुग्घर भएर मुसलमानहरु मस्जिदमा गएर सामुहिक नमाज पढ्ने, अंकमाल र हातेमालो गर्दै एक आपसमा खुशीयाली साट्ने प्रचलन हो । तर, अहिले कोरोना भाइरसका कारण यो समुदायले घरमै बसेर नमाज पढ्न वाध्य छन् ।
मुस्लिम समुदायक घर घरमै बसेर नमाज पढीरहेका छन् । आफनो धर्म र संस्कारप्रति कट्टर मुस्लिम समुदाय कहीं कतै मस्जिदमा पस्छन कि भन्दै अनुगमन समेत हुने गरेको छ । कही कोही मस्जिदमा पुग्छन कि भन्दै मुस्लिम अगुवाले निरीक्षण बढाएका हुन । अज्ञानताबस भित्र नपुगुन र भीडभाड नहोस भन्ने भन्ने पनि उनीहरुको चाहना हो । समुदायमै पुगेर मस्जिदमा नगई घरमै नमाज र कुरान पढ्नका लागि सूचित गराएको जनाएका छन् । लकडाउनसंगै मस्जिद र मदर्शा पनि सबै बन्द छन् ।
कोरोनाका कारण सिर्जित लकडाउनलाई प्रभावित हुन नदिने उदेश्यले राष्ट्रिय मुस्लिम आयोगले जिल्लामा अनुगमन समिति मनोनयन गरेर पठाएको छ । स्याङजाका लागि शाह मोहम्मद, अनुवर अली, इस्लाम मिया, नासिर खान र हाजी जब्बर मिया रहेका छन । उनीहरुले स्याङजाका १० वटै मस्जिद तथा मर्दसाको अनुगमन गर्नेछन् ।
आयोगका अध्यक्ष सामिम मिया अन्सारीले जिल्लामा लकडाउनलाई प्रभाव पर्न नदिनेगरी मस्जिद तथा मर्दसाको अनुगमन गर्नेभनी ५ जनालाई सदस्यमा मनोनयनगरी पठाएका हुन । मस्जिदमा ५ जनाभन्दा बढी आउन नदिएको शाह महम्मदले बताए । उनका अनुसार ‘एकजना इमाम (धर्मगुरु), सहायक इमाम, सम्बन्धित मस्जिद संरक्षक एवं अध्यक्ष, एक नियमित नमाज पढ्ने ब्यक्ति र सरसफाई गर्ने ब्यक्ति मात्र मस्जिदमा रहन पाउछन । त्यो भन्दा बढी बस्न दिदैनौं ।’
अहिले हिजरी संवत १४४१ हो । रमजानको महीनामा मुस्लिमहरुको सबैभन्दा ठूलो ग्रन्थ कुरान अवतरण भएको धार्मिक मान्यता छ । दिनको ५ पटक नमाज पढ्ने र दिनभर पानी पनि नखाई रोजा (ब्रत) बस्ने गर्दछन । साँझ रोजा तोडेपछि मात्र खान हुन्छ । रमजानमा महीनाभर रोजा बस्दा अल्लाहको कृतज्ञता प्राप्त हुने विश्वास छ । मुस्लिम समुदायले एक महिनाभर निराहार बस्दै पैगम्बरको स्मरण गर्दे नमाज कुरान पढ्ने गर्छन ।
स्याङजा सदरमुकाम, बाडखोला, गहते, जिङदी, राङखोला, बयरघारी, करुगें, मल्लो भीरकोट, वालिङ र गल्याङ लगायतका क्षेत्रमागरी जिल्लामा १० वटा मस्जिद सहित मदरर्सा रहेता पनि मुस्लिम समुदायले घर घरमै बसेर दिनको ५ पटक नमाज सहित कुरान पढ्ने गरेका छन । अनुगमन समितिले जिल्लाका सबै मस्जिद तथा मदरर्साहरुको अनुगमन एवं निरीक्षण गर्ने सदस्य अनुवर अलीले जानकारी दिए ।
Related News
सम्बन्धित समाचार
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
महिलाको लगानीमा सरफ उद्योग सञ्चालन
स्वतन्त्र प्रेसले मात्र लोकतन्त्र सुदृढ हुन्छ : राष्ट्रपति
उत्कृष्ट खेल संघ वा क्लबतर्फको अवार्ड सहारालाई
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१