पोखरा । ‘सुख आयो भन्छन् । तर हामीलाई घर चुलोले छोडेकै छैन । समस्याले थिचेको हुनाले हामी आफै पछाडि परेका छौं । बिहान उठ्नै गाह्रो हुन्छ । सकि नसकी उठेर एकखेप पानी ल्याउँदा बिहान बित्छ । पुरुष उठ्दा खाना पाक्दैैन । उल्टै हप्की दप्की खानुपर्छ । हाम्लाई सजिलो कहाँ छ ?’
कास्कीको माछापुच्छ«े गाउँपालिकाकी इन्दिरा परियारलाई कुनै दिवसले छोएकै छैन । आफ्नै अग्रजले शुरु गरेको आन्दोलन सम्झिने फुर्सद पनि उनलाई छैन । परियारजस्तै गंगा जिसी पनि घरकै बन्धनले बाहिर निस्किन भ्याउँदिनन् । ‘घरको कामले बाँधेर राखेको छ । नारी दिवसमा पनि निस्किन सक्दैनौं । पुरुषहरुले पनि महिलालाई अघि बढ्न दिँदैैनन्,’ उनले भनिन्, ‘ठाउँ–ठाउँमा समिति गठन हुन्छ । महिला नेतृत्व गरेको कतै छैन । फर्मेट पूरा गर्नुपर्ने ठाउँमा महिलालाई राखिन्छ । नत्र महिलालाई अघि बढाउँदैनन् ।’
घरको एकसरो काम सकेर अन्तर्राष्ट्रिय महिला दिवस मनाउन भेला भएका घाचोकका महिलाहरु देशमा आएको परिवर्तन गाउँसम्म नछिरेको गुनासो गर्छन् । ‘राष्ट्रपति महिला हुनुहुन्छ । माथिल्ला निकायमा पनि महिलाको पहुँच छ । गाउँपालिकादेखि प्रदेश र केन्द्रमा पनि महिलाहरुको सहभागिता छ,’ उनीहरु भन्छन्, ‘तर त्यसको प्रभाव गाउँमा परेन । महिलाहरुको बोली निर्णय गर्ने बेला अझैपनि सुनिएन ।’ स्थानीय कमला रानाभाट महिलाको कामको मूल्याङ्कन परिवारदेखि राज्य तहसम्म नभएको बताउँछिन् । ‘प्रतिनिधि चाहिन्छ महिला हुनैपर्छ भन्ने ठाउँमा मात्रै राखेका छन् । नत्र नारीहरु कुनै ठाउँमा छैनन् । हामी पुरुषभन्दा बढी हुन्छौं भनेको होइन । समान हुन्छौं भनेको हो । तपाईंहरुसँगै हिड्छौं भनेको हो । समानता चाहिएको हो,’ उनले भनिन्, ‘हामी हेरेर बस्छौं भाँडा माझ, कपडा धोईदऊ भनेको होइन । घरमा भएको काम सँगै मिलेर गरौं भनेको हो । बाहिर पनि सँगै निस्कौं भनेको हो । एक्लै हिड्छौं भनेको होइन ।’
घाचोक महिला सञ्जालले १ सय १० औं अन्तर्राष्ट्रिय महिला दिवस अवसरमा अन्तरक्रिया, दिदीबहिनी भेटघाट तथा चियापान कार्यक्रम गरेको हो । कार्यक्रमलाई सम्बोधन गर्दै अन्तरपाटी महिला सञ्जाल गण्डकी सदस्य तथा नेपाली काँग्रेस केन्द्रिय नीति, अनुसन्धान तथा प्र्रशिक्षण प्रतिष्ठान सदस्य सरस्वती गुरुङले परिवर्तनका लागि घरबाटै आवाज उठाउनुपर्ने बताइन् । ‘आवाज उठाउने भनेको आन्दोलन गर्ने भनेको होइन । अधिकार खोज्ने भनेको हो । संविधानले दिएको अधिकार हामीले खोसेर पनि लिन सक्नुपर्छ,’ उनले भनिन्, ‘महिलाहरु पनि क्षमता बढाएर आरक्षण कोटाबाट माथि उठ्नुपर्छ । कार्यकारी पदमा महिलाको सहभागिता सुनिश्चित गरिनुपर्छ ।’
सञ्जाल अध्यक्ष टेकनशोभा गुरुङले महिलाको मुद्दामा सबै एकजुट हुन नसकेको कारण समस्या निराकरण नभएको बताइन् । ‘महिलालाई समस्या पर्छ । हामीहरु नै झगडा गर्छौं । अर्काको कुरा काटेर निचो बनाउँछौं,’ उनले भनिन्, ‘पुरुषले हाम्रो समस्या बुझ्ने भए यति आन्दोलन किन गर्नुपथ्र्यो ? पुरुषलाई पनि साथमै लिएर हामी हाम्रो अधिकारको लागि एकजुट हुनुपर्छ ।’ गुरुङको अध्यक्षतामा भएको कार्यक्रमको सञ्चालन सचिव बालकुमारी लम्सालले गरिन् भने स्वागत कोषाध्यक्ष शक्ति दवाडीले गरिन् । कार्यक्रममा सञ्जाल सदस्य गीता कुवँर, घाचोकमा रहेका १४ वटा आमा समूहका अध्यक्ष तथा प्रतिनिधिहरु लगायतले आफ्नो धारणा राखेका थिए ।
Related News
सम्बन्धित समाचार
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
बुढ्यौलीमा भेडीगोठ मोह
hero news full width
मुख्य समाचार
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१