पोखरा, २४ जेठ । मुक्तिनाथ विकास बैंक लिमिटेडले आफ्ना ग्राहकहरुलाई एक दिने व्यवसायिक तालिम प्रदान गरेको छ ।

व्यवसाय सञ्चालन गर्न आवश्यक पर्ने आधारभुत तत्वहरुको बारेमा जानकारी दिने उद्देश्यले उत्तः तालिम प्रदान गरिएको हो । आजको आवश्यकता, व्यवसायिक साक्षरता भन्ने मूल नाराका साथ एक दिने उक्त तालिममा व्यवसायको छनौट, व्यवसायिक योजना, बस्तु तथा सेवा, व्यवसाय दर्ता तथा संचालनमा कानूनी एवं बजार व्यवस्थापन, लेखा प्रणाली मूल्य अभिवृद्धि कर लगायतका बारेमा जानकारी गराइएको थियो ।

काठमाण्डौमा संचालित उक्त तालिममा बैंकसँग आवद्व ४२ जना व्यवसायीको सहभागिता रहेको थियो ।मुक्तिनाथ विकास बैंकले देशैभरी ११९ वटा शाखा, २२ वटा ए.टि.एम. र छ लाख ग्राहकहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैकस्योरेन्स, आस्वा, मोबाइल बैकिंङ्ग सुविधाका साथै भिषा नेटवर्क अन्तर्गत रहेका एटिएम बाट निःशुल्क रकम झिक्न मिल्ने सेवाहरु उपलब्ध गराएको बताएको छ ।

हालै मात्र बैंकले क्यान्सर उपचार र दुर्घटना मृत्यु बीमामा आवद्व गरी जीवन वरदान बचत खाता सञ्चालनमा ल्याएको प्रमुख सूचना अधिकारी तिलबहादुर गुरुङले जानकारी दिए ।