पोखरा । दोश्रो राष्ट्रिय तथा पोखरा मेयर कप ब्याडमिन्टन प्रतियोगिताको उपाधि प्रिन्स दाहाल र रशिलाले महर्जनले जितेका छन् । कास्की जिल्ला ब्याडमिन्टन संघको आयोजनामा शनिबार सम्पन्न प्रतियोगितामा मेन्स ओपन सिंगल्सतर्फ प्रिन्स र उमेन्स सिंगल्सतर्फ रशिलाले उपाधि जितेका हुन् । उपाधिसंगै उनीहरुले समान नगद ५०–५० हजारका साथमा ट्रफि, मेडल तथा प्रमाणपत्र हात पारे ।
मेन्स सिंगल्सतर्फको भिडन्तमा नेपाल नं २ ¥याकिङ एपिएफका प्रिन्सले त्रिभुवन आर्मी क्लवका नेपाल नं ३ ¥याकिङ खेलाडी प्रफुल महर्जनलाई २१–१७, २१–११ को सोझो सेटमा पराजित गरी उपाधि जितेका हुन् ।
नेपाल पुलिस क्लवका विष्णु कटुवाल र एपिएफ क्लवका क्षितिज खनाल तेश्रो भएका छन् । उपविजेता प्रफुलले नगद २० हजार तथा विष्णु र क्षितिजले ट्रफि, मेडल र प्रमाणपत्रका साथमा जनही समान नगद १०–१० हजार हात पारे ।
महिला सिंंगल्सको फाइनलमा नेपाल १ ¥याकिङ त्रिभुवन आर्मी क्लवकी रशिलाले आर्मीकै अनुमाया राईलाई २१–१२, २१–१५ ले हराइन् । त्यसै गरि प्रतियोगितामा आर्मीकी अमिता गिरी र कस्तुरी कलेजकी सिमा राजवंशी भएका छन् । उपविजेता अनुमायाले नगद २० हजार तथा अमिता र सिमाले ट्रफि, मेडल र प्रमाणपत्रका साथमा जनही समान नगद १०–१० हजार हात पारे ।
ब्वाइज यू–१७ तर्फ एपिएफका अरुण अधिकारीले आर्मी कलवका अभय महरालाई २१–१३, २१–१४ को सोझो सेटमा पराजित गरी प्रथम भएका छन् भने आर्मीका कविर केसी र सोही क्लवका सुविन श्रेष्ठ तेश्रो भए । गल्र्स यू–१७ तर्फ कास्कीकी दिलाशा रानाले आर्मीकी रिहाना शेरचनलाई २१–१५ र २१–१७ को सोझो सेटमा पराजित गरी प्रथम हुँदा सुर्खेतकी दिपिका रोकाया र एमविएफकी निभा राई तेश्रो भएका छन् ।
मेन्स डबल्स फाइनलमा एपिएफका प्रिन्स दाहाल विजित थापा मगरको जोडीले सोही क्लवका क्षितिज खनाल देवराजरानालाई २१–१८, २१–१७ को सोझो सेटमा पराजित गरी प्रथम भएका छन् भने तेश्रो स्थान एपिएफको जोडी प्रनिश सिंह ठकुरी र सुजन थापा तथा नेपाल पुलिस क्लवका जिवन आचार्य र विष्णु कटुवालको जोडीले प्राप्त गर्न सफल भए ।
उमेन्स डबल्स तर्फको फाइनलमा आर्मी क्लवका जोडी अमिता गिरी र रशिला महर्जनले आर्मी र कस्तुरी कलव सम्मिलित जोडी अनुमायाँ राई र सिमा राजवंशीलाई २१–१०, १०–२१ र २१–१७ ले पराजित गरेका छन् भने प्रतियोगितामा कास्कीका याम कुमारी गुरुङ र दिलाशा राना तथा झापा र बेल्टारका अन्जना राई र रोजीराईले तेश्रो स्थान हात पारे ।
मिक्स डबल्स तर्फको फाइनलमा आर्मीका प्रफुल महर्जन र रशिला महर्जनले एपिएफका प्रिन्स दाहाल र रिना तामाङलाई २१–१३ र २१–१४ ले पराजित गरेका छन् । सोही इभेन्टमा बुटवल र कास्कीका जोडी गणेश रायमाझी र दिलाशा राना तथा कास्कीकै विशाल खड्का र याम कुमारी गुरुङको जोडी तेश्रो भएको छ ।
व्याइज सिंगल्स यू–१२ तर्फको फाइनल तनहुँका सफल भुजेलले एपिएफका आरुष सिम्खडालाई २१–१२ र २१–१३ ले हराएका छन् । सोही इभेन्टमा आर्मीका सुदेश राजकोटी र कन्चनपुरका आशिष खत्री तेश्रो भएका छन् । गल्र्स सिंगल्स यू–१२ मा दिपक बोहरा एकेडेमीका अस्मिता खत्रीले क्लव मध्यपुरकी स्वर्लिन श्रेष्ठ विरुद्ध फाइनलमा १७–२१, २१–१२, २४–२२ ले जित्दा म्याग्दीकी व्रिटिना सुवेदी र कास्कीकी सेरीन प्रधानाङ्गले तेश्रो स्थान हासिल गरे ।
मेन्स डवल्स ३५ वर्ष माथी मास्टर्समा कास्की र आर्मी क्लवका विशाल खड्का र सुरज महर्जनको जोडीले कास्की र नेपाल पुलिस क्लवका जोडी होम गुरुङ र विष्णु कटुवाललाई २१–१७, २१–१९ ले फाइनलमा पराजित गरे । प्रतियोगितामा कास्कीका इच्छा गुरुङ र शम्भु कुमार श्रेष्ठ तथा चितवन र नवपलुरका जोडी विधान गुरुङ र केवल श्रेष्ठ तेश्रो स्थान प्राप्त गरे ।
मेन्स डवल्स ४५ वर्ष माथी मास्टर्समा कास्की र पर्वतको जोडी डोलराज आले र प्रेम गुरुङले कास्कीको जोडी खेलाडी राजेश गुरुङ र शम्भु कुमार श्रेष्ठलाई २१–१९, १९–२१, २१–१९ ले पराजित गरे । त्यस्तै कास्की र तनहुँको जोडी रामशरण केसी र मान बहादुर राना तथा कास्कीका नरबहादुर गुरुङ र विशाल हिराचनको जोडी तेश्रो भए ।
५५ वर्षमाथि मास्टर्स डबल्समा कास्कीको जोडी वीरबहादुर आले र राजेन्द्र गुरुङले फाइनल प्रतिस्पर्धामा कास्की र बागलुङको जोडी सुरेश वम र निर्माण श्रेष्ठलाई १८–२१, २३–२१ र २१–१५ ले पराजित गर्न सफल भएका छन् । प्रतियोगितामा काठमाण्डौ र खोटाङको जोडी दिल बहादुर कान्दङवा र दीपक राई, फिटनेश पार्कको जोडी उमेश केसीले गोविन्दन शाहीको जोडी तेश्रो भएको छ ।
३ दिनसम्म भएको प्रतियोगितामा १२ इभेन्टमा ४८ क्लब तथा जिल्लाका गरी ३ सय भन्दा महिला तथा पुरुष खेलाडीहरुले भाग लिएका थिए ।
मास्टर्स, मेन्स उमेन्स डबल्स र मिक्स डबल्सतर्फका पहिलो, दोश्रो र तेश्रो हुने खेलाडीहरुलाई जनही क्रमश ४०, २० र १० हजारका साथमा ट्रफी, मेडल तथा प्रमाणपत्र प्रदान गरिएको थियो । यू–१७ र यू–१२ व्याइज तथा गर्ल्स तर्फका पहिलो, दोश्रो र तेश्रो हुने खेलाडीहरुलाई जनही क्रमश नगद रु २०, १० र ५ हजारका साथमा ट्रफी, मेडल तथा प्रमाणपत्र प्रदान गरिएको थियो ।
विजेतालाई प्रदेश खेलकुद परिषद गण्डकी उपाध्यक्ष धोजकुमार गुरुङ, पूर्व राखेप सदस्य तथा संघका वरिष्ठ सल्लाहकार जयराम हमाल, हिसानका केन्द्रिय उपाध्यक्ष बाबुराम पन्त, कास्की ब्याडमिन्टन संघका अध्यक्ष सुशील श्रेष्ठ लगायतले नगद, ट्रफि, मेडल तथा प्रमाणपत्र वितरण गरे ।
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१