पोखरा । पोखरा महानगरपालिकाका उपप्रमुख मञ्जुदेवी गुरुङले अधिकार प्राप्तिका आन्दोलनमा महिलाको भूमिका महत्वपूर्ण रहेको बताएकी छन् ।
पोखरा महानगरपालिका वडा १५ ले सोमबार आयोजना गरेको महिलाको सशक्तीकरण एवं क्षमता अभिबृद्धि कार्यक्रमको उद्घाटन गर्दै उनले सो कुरा बताएकी हुन् । उपप्रमुख गुरुङले महिलाहरु राजनीतिक, सामाजिक, व्यावसायिक लगायत सबै क्षेत्रमा स्थापित हुनुपर्ने उनको जोड छ । ‘संविधानमा धेरै अधिकारको व्यवस्था छ,’ उनले भनिन्, ‘संविधानमा उल्लेखित अधिकारका विषयमा जानकारी भएपछि मात्रै राजनीतिक र सामाजिक रुपमा स्थापित हुन सहज हुन्छ ।’ उनले महानगरपालिकाको समग्र विकासमा जोड दिइन् । उनले भनिन्, ‘सडक, पुल, भवन निर्माण मात्रै हैन महिला, ज्येष्ठ नागरिक, बालबालिका लगायत सामाजिक क्षेत्रको विकास पनि अनिवार्य छ ।’
महिलाहरु सामाजिक, राजनीतिक, व्यावसायिक शैक्षिक रुपमा स्थापित गराउने कुरा भाषण र नाराले मात्रै नहुने बताउँदै कार्ययोजना, प्रशिक्षण र क्षमता अभिबृद्धि हुनुपर्नेमा उनको भनाइ छ । उपप्रमुख गुरुङले महिलाहरु सबल र सक्षम हुन आर्थिक रुपमा बलियो हुनुपर्ने र त्यसका लागि आर्यआर्जनसँग जोडिनुपर्ने बताइन् । आर्थिक अभावमा केही गर्छु भन्ने महिलाहरुका लागि सस्तो ब्याजमा कर्जा उपलब्ध गराउने कार्यक्रम सञ्चालन गरेको बताए ।
पोखरा १५ का वडाअध्यक्ष तोरणबहादुर बानियाँले महिला सशक्तीकरण अभियान फागनुसम्म चल्ने बताए । उनले तालिममा २२ वटा आमा समूह र टोल विकास संस्थाका अगुवा महिलाको सहभागिता रहेको जनाए ।
कार्यपालिका सदस्य इन्दिरा परियारको अध्यक्षतामा भएको कार्यक्रममा स्वागत वडा सदस्य सेतीमाया गुरुङ र संचालन वडासचिव आविस्कार पौडेलले गरेका थिए । विभिन्न चरणमा दिइने तालिमका प्रमुख प्रशिक्षक पत्रकार एवं सामाजिक अभियन्ता सुष्मा पौडेल हुन् । उनले पहिलो दिन सकारातमक सोच तथा उत्प्रेरणासम्बन्धी तालिम दिइन् । पहिलो चरणको तालिममा सानीपाटन टोल, कोलपाटन आमा समूह, बेलबोट आमा समूह, विश्वकर्मा समाज नेपाल, भगवतीटार आमा समूह र स्यानी मजुवा टोल आमा समूहको सहभागिता छ । तालिममा हसिना बस्नेतले पनि सहजीकरण गर्ने छन् ।
Related News
सम्बन्धित समाचार
मादल बजाउने तालिम
मकैको खोस्टाबाट फूल बनाउने तालिम
महिलाको लगानीमा सरफ उद्योग सञ्चालन
किशोरीका लागि सीपमूलक शिक्षा
हजुरआमा बनेपछि एसइई दिँदै कांग्रेस नेत्री भुसाल
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१