पोखरा । टाइटनिक सेक्युरिटी म्यानेज्मेन्टले पोखरको पृथ्वीचोकबाट औपचारिक सेवा सुरु गरेको छ । सुरक्षाका लागि दक्ष जनशक्ति उत्पादन गर्ने लक्ष्यसहित सुरु भएको कम्पनीको कार्यालयको गण्डकी ट्राफिक प्रहरी कार्यालयका प्रमुख गोविन्द अधिकारीले उद्घाटन गरे ।
७ महिनाअघि सफ्ट ओपनिङ गरी सेवा सुरु गरेको कम्पनीले बिहीबार विधिवत् कार्यालय उद्घाटन गरेको कम्पनीका अध्यक्ष शुक्रराज पोखरेलले जानकारी दिए । उक्त अवसरमा कम्पनीले ट्राफिक सचेतना कार्यक्रम पनि गरेको थियो । सेक्युरिटी तालिम लिइरहेका २५ जना प्रशिक्षार्थीलाई ट्राफिक प्रहरी नायव निरीक्षक शिवप्रकाश पाठकले ट्राफिक नियमसम्बन्धी प्रशिक्षण दिएका थिए । त्यसलगत्तै प्रशिक्षार्थीले पृथ्वीचोक, सभागृहचोक, सिर्जनाचोक, चिप्लेढुंगा, महेन्द्रपुल लगायत क्षेत्रमा पुगी सवारीचालक तथा पैदलयात्रीलाई ट्राफिक नियमबारे सचेत गराएका थिए ।
ट्राफिक प्रहरी कार्यालय गण्डकीका प्रमुख अधिकारीले विदेशमा सिकेको सीप नेपालमा नै व्यवहारमा लागु गरी विभिन्न कम्पनी तथा अफिसको सुरक्षा प्रदान गर्ने उद्देश्य राखेर सेक्युरिटी कम्पनी सञ्चालनमा ल्याइएकोमा खुसी व्यक्त गरे । उनले आगामी दिनमा दक्ष तालिम प्राप्त सेक्युरेटी गार्डहरु उत्पादन गरी अत्याधुनिक तवरले सुरक्षा दिने तर्फ सञ्चालकले ध्यान दिनुपर्नेमा समेत जोड दिए ।
ट्राफिक प्रहरी कार्यालय कास्कीका प्रमुख अमृतबहादुर बस्नेतले आधुनिक जमानासँगै सेक्युरिटी गार्ड कम्पनीहरुले समेत आधुनिक तवरले सुरक्षा दिनुपर्नेमा जोड दिए । कार्यक्रममा सुरक्षा व्यवसायी संघ गण्डकी अध्यक्ष चन्द्रबहादुर, सचिव विष्णु तिवारी लगायतले युवालाई स्वरोजगार बनाउन सेक्युरिटी कम्पनीहरुले ठूलो भुमिका खेलेको बताए ।
कम्पनी अध्यक्ष पोखरेलले सेक्युरिटी गार्डले अफ्ठ्यारो परिस्थिति सामना गर्नुपर्ने भएकाले यो पेसा अति संवेदनशील भएको बताए । उनले आफ्नै मुलुकमा केही गर्नुपर्छ भन्ने उद्देश्य राखेर पोखरामा संचालनमा ल्याएको कम्पनीको छिट्टै नै लुम्बिनी र बागमती प्रदेशमा शाखा कार्यालय खोल्ने योजना रहेको सुनाए । कम्पनीले आगामी दिनमा वेटर, हाउसकिपिङ, वारिष्टा र फेसिलीटी म्यानेजमेन्टको निशुल्क कक्षा सञ्चालन गर्ने योजना रहेको उनले जानकारी दिए । विभिन्न संघ संस्थासँग मिलेर सामाजिक कार्य, प्राथमिक उपचारसम्बन्धी प्रशिक्षण कार्यक्रम गर्ने योजना रहेको उनको भनाइ थियो ।
–धनबहादुर गुरुङ, विद्यार्थी पत्रकार
Related News
सम्बन्धित समाचार
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
महिलालाई आत्मनिर्भर बनाउँदै वडा कार्यालय
hero news full width
मुख्य समाचार
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१मन्त्रीपरिषदबाट १६ औँ पञ्चवर्षीय योजना पारित
जेठ १, २०८१गर्मीले भकाभक कुखुरा मर्दा मासु अचाक्ली महँगो
जेठ १, २०८१कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१