पोखरा । शुभ अवसर ग्राम नेपालको आयोजनामा उद्यमशीलता विकास तथा व्यवसाय व्यवस्थापन तालिम सम्पन्न भएको छ । ४ दिनसम्म चलेको तालिममा करिब ३० प्रशिक्षार्थीको सहभागिता थियो ।
तालिम समापन गर्दै पोखरा महानगरपालिका वडा ८ का वडाध्यक्ष रुद्रनाथ बरालले संस्थाले गरेको कामको प्रशंसा गरे । उनले यसखालको कार्यक्रमले उत्साह थप्ने बताए । थोरै लगानीले पनि नयाँ निकासको बाटो मिल्ने तथा ठूलो प्रेरणा मिल्ने उनको भनाइ थियो । उनले वडाले पनि लघुबित्तको समन्वयमा ऋण लगानीको लागि पहल गर्ने आश्वासन दिए ।
अध्यक्षको आसनबाट संस्थाका उपाध्यक्ष विमला लामाले तालिममा सिकेको कुरा व्यवहारमा लागु गर्नुपर्ने सुझाव दिइन् ।
संस्थाद्वारा सञ्चालित मानव बेचबिखनविरुद्ध परियोजनाका संयोजक अन्थोनिया सुसैले सेवाग्राहीलाई तालिमले ऊर्जा मिल्ने बताइन् । उनले व्यवसाय संचालनका क्रममा विभिन्न किसिमका अड्चन आए आफूहरुसँग समन्वय गर्नुपर्ने सुझाव दिइन् ।
तालिमका प्रशिक्षक निर्मल भण्डारीले नजानेको कुरा जान्न इच्छुक बन्नुपर्ने र योजना बनाएर व्यवसाय गर्नुपर्ने सुझाव दिए । व्यवसाय सञ्चालनक्रममा दैनिक हिसाबकिताब राख्नुपर्ने पनि उनको सुझाव थियो । तालिममा बजार व्यवस्थापन, वित्तीय योजना, व्यवसाय छनोट, प्राविधिक कुरा, पूर्वाधारको छनोटबारे प्रशिक्षण दिइएको थियो ।
प्रशिक्षार्थीको तर्फबाट शान्ति बिक, रजिनाकुमारी सार्की, श्रीतृषा खड्काले तालिम निकै फलदायी भएको बताए । उनीहरुले परियोजना आएपछि आफै जिविकोपार्जन गर्न सक्षम बनेको र आफैले व्यावसायिक योजना सकेको भन्दै खुसी व्यक्त गरे । तालिमको उद्घाटन पोखरा महानगरपालिकाका सामाजिक विकास महाशाखाका प्रमुख निर्मला शर्माले गरेकी थिइन् ।
२०५५ सालमा स्थापित शुभ अवसर ग्राम नेपालले मानव बेचबिखनको जोखिममा परेका, मनोरञ्जन क्षेत्रमा संलग्न दिदीबहिनीको हितमा काम गर्दै आएको संस्थाका सामाजिक परिचालक एवं मनोविमर्शकर्ता अम्बिका पौडेलले जानकारी दिइन् । उनका अनुसार संस्थाले बेलाबेलामा गरेको आर्थिक सहयोगबाट महिला दिदीबहिनीहरु व्युटीपार्लर, खाजाघर, तरकारी पसल, चुरामाला पसल, टेलरिङ लगायतका पसल सञ्चालन गरिरहेका छन् ।
तालिमको सहयोगी संस्था गुड सेफर्ड इन्टरनेशनल फाउन्डेसन नेपाल हो । शुभ अवसर ग्राम नेपालको प्रधानकार्यालय काठमाडौंमा छ । संस्थाले पोखराको हेमजामा चाइण्ड प्रोटेक्सन होम समेत सञ्चालन गर्नुका साथै २०७३ सालदेखि मानव बेचबिखन परियोजना सञ्चालन गर्दै आएको छ ।
Related News
सम्बन्धित समाचार
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१