पोखरा । संसदमा प्रधानमन्त्री केपी शर्मा ओलीले पेस गरेको विस्वासको प्रस्ताव अस्वीकृत भएलगत्तै मन्त्रिपरिषद् बैठक सुरु भएको छ। अहिले बेलुकी साढे ६ बजेदेखि बालुवाटारमा मन्त्रिपरिषद्को बैठक सुरु भएको हो।

५ बजेका लागि बैठक बोलाइएको भए पनि प्रतिनिधिसभाको बैठक सकिन समय लागेकाले ढिला भएको हो।

संसद्मा विश्वासको मत पाउन नसकेका प्रधानमन्त्री ओलीले बिहानै मन्त्रिपरिषद्को बैठक बोलाएका थिए। मन्त्रिपरिषद् बैठकको एजेण्डा भने सार्वजनिक भएको छैन।

प्रधानमन्त्रीले प्रतिनिधिसभामा विश्वासको मत नपाएसँग सरकार कामचलाउ रुपमा परिणत भइसकेको छ। अर्को सरकार नबन्दासम्म यी सरकारले कामचलाउ रुपमा काम गर्नेछ।