पोखरा । गण्डकी प्रदेशमा कोरोना संक्रमितको ग्राफ बढ्दो छ । अघिल्लो दिन ८२ जना संक्रमित रहेकोमा शुक्रबार ८६ जना संक्रमित भएको प्रदेश स्वास्थ्य निर्देशनालय गण्डकीले जनाएको छ ।
३ सय ६१ जनाको पिसिआर परीक्षणमा ८६ जनामा संक्रमण पुष्टि भएको निर्देशनालयका निर्देशक डा. विनोदबिन्दु शर्माले बताए । हालसम्म प्रदेशमा कुल संक्रमित संख्या १७ हजार ५ सय ७४ पुगेको छ ।
गएको २४ घण्टामा ३२ निको भएका छन् । हालसम्म निको हुने १६ हजार ५ सय ९० छन् । सक्रिय संक्रमित संख्या ७ सय ७३ पुगेको छ । कोभिड–१९ का कारण हालसम्म २ सय ११ जनाले ज्यान गुमाएका छन् ।
सार्वजनिक तथ्यांक अनुसार कास्कीमा २ सय ८ को पिसिआर परीक्षणमा ६४ मा संक्रमण देखिएको छ । प्रदेशका ११ मध्ये कास्कीमा संक्रमित बढी छन् । जिल्लामा अझै पनि ५ सय ५६ जना संक्रिय संक्रमित छन् । मनाङ र मुस्ताङमा हाल संक्रमित शून्य छ ।
यसैबीच, संक्रामक तथा सरुवा रोग अस्पताल, कास्कीले कोरोनाबाट बच्न स्वास्थ्य मापदण्डका उपाय अपनाउन आग्रह गरेको छ । अस्पतालका तर्फबाट सूचना अधिकारी केदारनाथ लामिछानेले शुक्रबार विज्ञप्ति जारी गर्दै सो आग्रह गरेका हुन् । उनका अनुसार अस्पतालमा हाल ४० जना संक्रमितको उपचार भइरहेको छ । संक्रमितमध्ये १७ देखि ६९ वर्ष समूहका छन् । अस्पतालले हालसम्म ४ सय २२ जना कोरोना संक्रमितको उपचार गरिसकेको जनाएको छ । १ संक्रमितको ज्यान गएको छ ।
अस्पतालले संक्रमितलाई बिहान बेलुका खाजा खाना, आवश्यक औषधी निःशुल्क उपलब्ध गराउने गरेको छ । साथै चाँडै नै आइसियु सेवा समेत उपलब्ध गराउने जनाएको छ ।
२० देखि २९ वर्षका बढी संक्रमित
पछिल्लो २४ घण्टामा देशभर थप २ हजार ५ सय ५९ जनामा कोरोना भाइरस संक्रमण पुष्टि भएको छ । योसँगै नेपालमा संक्रमितको संख्या २ लाख ९४ हजार ६ सय १ पुगेको छ ।
देशभर १४ हजार ७ सय २४ जना आइसोलेसनमा छन् भने हाल ७५ जना क्वारेन्टिनमा छन् । संक्रमितमध्ये महिला १ हजार २३ रहेको स्वास्थ्य तथा जनसंख्या मन्त्रालयले जनाएको छ । हालसम्म २ लाख ७६ हजार ७ सय ५५ संक्रमण मुक्त भई घर फर्किएका छन् । निको हुने दर ९३ दशमलव ९ प्रतिशत छ । पछिल्लो २४ घण्टामा देशभर ४ सय १० संक्रमित निको भएर घर फर्किएका छन् । देशभर १४ हजार ७ सय २४ सक्रिय संक्रमित छन् ।
शुक्रबार सबैभन्दा बढी २०–२९ उमेर समूहमा संक्रमण देखिएको छ । यो उमेर समूहमा ५ सय ७५ जना संक्रमित भएका हुन् । २४ घण्टामा ५ जना मृत्यु भएको छ । हालसम्म ज्यान गुमाउने ३ हजार १ सय २२ जना पुगिसकेको मन्त्रालयले जनाएको छ ।
बागलुङका विद्यालय १ साता बन्द
कोरोना संक्रमणको जोखिम बढ्दै गएपछि बागलुङ नगरपालिकाभित्रका विद्यालय १ साताका लागि बन्द हुने भएका छन् । बागलुङ नगरपालिकाले शुक्रबार १ सूचनामार्फत् वैशाख १२ गतेदेखि १९ गते सम्म नगरभित्रका सबै विद्यालय बन्द गर्न आह्वान गरेको हो ।
नगरप्रमुख जनकराज पौडेलको अध्यक्षतामा बसेको विपद् व्यवस्थापन समितिको बैठकले १ साताका लागि विद्यालय बन्द गर्ने निर्णय गरेको हो । विद्यार्थीलाई सुरक्षित राख्ने उद्देश्यले वैशाख १२ गतेदेखि १९ गतेसम्म १ हप्ताका लागि बन्द गर्ने निर्णय भएको बागलुङ नगरपालिकाका शिक्षा शाखा प्रमुख डण्डपाणि शर्माले बताए ।
बागलुङ नगरपालिकाकै बलेवा क्षेत्रमा रहेका विद्यालयमा धमाधम कोरोना संक्रमण देखिएपछि यसअघि बलेवाका ३ वडामा १० दिनका लागि निषेधाज्ञा जारी गरिएको थियो
नगरभित्र सञ्चालनमा रहेका ट्युसन सेन्टर, भाषा तयारी कक्षा, कोचिङ कक्षासमेत बन्द गर्न शिक्षा शाखाले निर्देशन दिएको छ । जिल्ला प्रशासन कार्यालयले जारी गरेको सुरक्षा मापदण्डसम्बन्धी सूचनामा २५ जनाभन्दा बढी व्यक्ति मलामीसमेत जान नपाउने उल्लेख गरिएकोमा विद्यालयबारे कुनै सम्बोधन नभएको भनी अभिभावकले सरकारी निकायको आलोचनासमेत गरेका थिए ।
Related News
सम्बन्धित समाचार
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
बिपिसीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
झोलाबाट अफिस चलाउँदै बाल संगठन
hero news full width
मुख्य समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१