पोखरामा २ दिवसीय क्रिकेट

आदर्श समाज सम्वाददाता
चैत्र २४, २०७७
cricket (2)

पोखरा । पोखरा रंगशाला क्रिकेट मैदानमा बिहीबारदेखि २ दिवसीय क्रिकेट सिरिज हुने भएको छ । कास्की जिल्ला क्रिकेट संघको आयोजनमा पोखराको क्रिकेट इतिहासमै पहिलो पटक १९ वर्ष मुनिकाको २ दिवसीय क्रिकेट सिरिज हुने भएको हो ।

उमेर समूहको सिरिजमा ३ टोलीले उपाधिको लागि प्रतिस्पर्धा गर्नेछन् । कास्की, स्याङ्जा, नवलपुर, तनहुँ र बागलुङका खेलाडी छनोट गरी टिम तयार गरिएको पोखरा क्रिकेट एकेडेमीका अध्यक्ष बबिन कुँवरले जानकारी दिए । उनका अनुसार विभिन्न जिल्लाबाट ६५ जना बन्द प्रशिक्षणमा सहभागी थिए । सहभागीमध्ये उत्कृष्ट खेलाडी छनोट गरी टिम तयार गरिएको छ ।

पोखरा क्रिकेट एकेडेमीको मुख्य प्रायोजन तथा कास्की क्रिकेट क्लबको व्यवस्थापनमा हुने प्रतियोगितामा कास्कीको रातो, नीलो र हरियो गरी ३ टोलीले प्रतिस्पर्धा गर्ने कास्की जिल्ला क्रिकेट संघका अध्यक्ष सञ्जयकान्त सिग्देलले बताए । ‘गण्डकी प्रदेशबाट खेलाडी छनोट गरी ३ टिममा विभाजन गरी खेलाइनेछ,’ उनले भने, ‘नयाँ सुरुआत हो । खेलाडीले खेल देखाउने अवसर पाउँछन् ।’

क्रिकेट विकासमा यो नयाँ आयाम हुने अपेक्षा र विश्वास संघले लिएको छ । कास्की क्रिकेट क्लबका अध्यक्ष सन्तोष श्रेष्ठले कास्कीको क्रिकेट विकासमा सहकार्य गर्ने पाँउदा खुशी लागेको बताउँदै आगामी दिनमा पनि क्रिकेट संघ तथा एकेडेमीसँगको सहकार्यमा प्रतियोगिता आयोजना गर्ने प्रतिबद्धता जनाए । टिम हरियोको कप्तान सुवास भण्डारी हुन् भने प्रशिक्षक रिजन प्रजु छन् । टिम नीलोको कप्तान विकास मुस्कान थापा छन् । गोविन्द प्रधान प्रशिक्षक छन् । टिम रातोको कप्तान विकास अधिकारी र प्रशिक्षकमा विधान श्रेष्ठ छन् ।

कास्की जिल्ला क्रिकेट संघका अध्यक्ष सञ्जयकान्त सिग्देलले टोलीलाई जर्सी हस्तान्तरण गरेका थिए । प्रतिस्पर्धाका लागि टिम हरियोका कप्तान भण्डारी तथा प्रशिक्षक प्रजुलाई जर्सी हस्तान्तरण गरिएको थियो । विजेताले ट्रफी, पदक तथा प्रमाणपत्र प्राप्त गर्नेछन् ।

Related News

सम्बन्धित समाचार

  • जनकपुर बोल्ट्सलाई एनपिएल उपाधि

    आदर्श समाज सम्वाददाता पौष ६, २०८१
    पोखरा । नेपाल प्रिमियर लिग (एनपिएल) को पहिलो संस्करणको उपाधि जनकपुर बोल्ट्सले जितेको छ । शनिबार सुदूरपश्चिम रोयल्सलाई ५ विकेटले…
  • आइसिसी प्रतिनिधि पोखरामा

    आदर्श समाज सम्वाददाता मंसिर १२, २०८१
    पोखरा । अन्तर्राष्ट्रिय क्रिकेट परिषद् (आइसिसी) का प्रतिनिधिले मंगलबार पोखरा रंगशालास्थित क्रिकेट मैदान अवलोकन गरेका छन् । आगामी सन् २०२७…
  • क्रिकेटरलाई नगद १ लाखसहित सम्मान

    आदर्श समाज सम्वाददाता मंसिर ६, २०८१
    स्याङ्जा । खुमा अर्याल फाउण्डेसनले नगदसहित महिला क्रिकेटरको सम्मान गरेको छ । आइसिसी महिला यू–१९ विश्वकपका लागि छनोट हुन सफल…
  • महिला क्रिकेट टोली पहिलोपल्ट विश्वकपमा छनोट

    आदर्श समाज सम्वाददाता कार्तिक २९, २०८१
    पोखरा । नेपाल पहिलो पटक यू–१९ महिला टी–२० विश्वकपमा छनोट भएको छ । विश्वकप १८ जनवरीदेखि २ फेब्रुअरीसम्म मलेसियामा हुँदैछ…
  • दक्षिण अफ्रिकाका लेजेन्ड खेलाडी जोन्टी पाेखरामा

    आदर्श समाज सम्वाददाता कार्तिक २२, २०८१
    पोखरा । नेपालमै पहिलोपटक आयोजना हुने लागेको नेपाल प्रिमियर लिगमा सहभागी पोखरा एभेन्जर्सले बिहीबार पोखरामा र्‍याली आयोजना गरेको छ ।…

hero news full width