बागलुङ । निरन्तरको वर्षाका कारण बागलुङको ठाउँ–ठाउँमा पहिरो जाँदा मध्यपहाडी लोगमार्ग अवरुद्ध बनेको छ ।

राष्ट्रिय गौरवको योजना मध्यपहाडी लोकमार्ग बागलुङ खण्डको सडक ठेकेदार कम्पनीले समयमा काम सम्पन्न नगर्दा वर्षाको समयमा ठाउँ–ठाउँमा पहिरो गएपछि सडक अवरुद्ध बनेको हो ।

गत साउन ७ गते पनि ठाउँ–ठाउँमा पहिरो झरेर लोकमार्ग अवरुद्ध बनेकोमा एकतर्फी सवारी सन्चालनमा ल्याइएको थियो पुनः सोमवार बिहान ८ बजेदेखि पहिरो खसेर लोकमार्ग पूर्णरुपमा अवरुद्ध बनेको जिल्ला प्रहरी कार्यालय बागलुङले जनाएको छ ।

अहिले पनि वर्षा भैरहेको र पहिरो झरीरहेकाले लोकमार्ग सञ्चालनमा ल्याउन समय लाग्ने भए तापनि सञ्चालनमा ल्याउने प्रयास गरिरहेको प्रहरीले जनाएको छ ।

पहिरोका कारण सानाठूला सवारीसाधन चलेका छैनन् । बागलुङ जिल्लाको पश्चिम क्षेत्र रूकुम गुल्मी जिल्ला हिँडेका सयौं यात्रु बाटोमै अलपत्र परेका छन् ।