पेमा धेछेन्लिङ गुम्बामा प्रवचन

आदर्श समाज सम्वाददाता
जेठ ६, २०८१
pema dhechenling gumba pic

पोखरा । २५६८ औं बुद्ध जयन्ती एवं सागा दावा तिथिको अवसरमा आयोजित धार्मिक प्रवचन कार्यक्रम सम्पन्न भएको छ । पेमा धेछेनलिङ गुम्बामा गुरुङ लामा संघ नेपालको अध्यक्ष धर्म गुरु खेन्पो शिर लामाद्वारा बुद्ध जीवनी र प्रज्ञा पारमिताको विषयमा धर्मदेशना प्रवचन गरेका थिए ।

बुद्ध जयन्ती मूल समारोह समिति कास्कीको सप्ताहव्यापी कार्यक्रमअन्तर्गत बैदाम तामाङ सेवा समाजले धार्मिक प्रवचन कार्यक्रम आयोजना गरेको हो । कार्यक्रमको सुरुआत धर्म गुरु खेन्पो शिर लामाद्वारा बत्ती (छुमे) बालेर तथा पोखरा ६ का अध्यक्ष विष्णुबहादुर भट्टराईले कोकोम्हेन्दोको फूल बर्साएर गरेका थिए ।

गुरु खेन्पो शिर लामाले बुद्धको जन्म र बुद्धत्वबारे विशेष प्रवचन दिएका थिए । कार्यक्रममा बुद्ध जयन्ती समारोह समितिका अध्यक्ष क्या.चन्द्रप्रसाद गुरुङ, पोखरा ६ का अध्यक्ष विष्णुबहादुर भट्टराई, बैदाम तामाङ सेवा समाजका अध्यक्ष ज्याक तामाङ, नेपाल तामाङ घेदुङ केन्द्रीय उपाध्यक्ष दीपक वाइबा, खहरे आमा समूहका अध्यक्ष शान्ति पहारीलगायतले बोलका थिए ।

बुद्ध जयन्ती समारोह समितिका अध्यक्ष क्या. चन्द्रप्रसाद गुरुङको अध्यक्षतामा भएको कार्यक्रम मिस तामाङ पोखरा २०२३ का बिजेता एवं बैदाम तामाङ सेवा समाजका सहसचिव रोश्मा तामाङले सञ्चालन गरेकी थिइन् ।

Related News

सम्बन्धित समाचार

hero news full width