पोखरा, २५ जेठ । नेपाली काँग्रेस कास्कीले लकडाउनका बेला व्यवसायीलाई कर तिर्न गरेको आग्रहप्रति गम्भीर ध्यानाकर्षण भएको जनाएको छ ।‘व्यापार, व्यवसाय ठप्प रहेको अवस्थामा व्यवसायीले कर तिर्ने अवस्था छैन, विज्ञप्तिमा भनिएको छ, यस्तो अवस्थामा व्यवसायीलाई कर तिर्न बाध्य पार्न खोज्नु सरकारको गैरजिम्मेवारी हो ।’
लकडाउनको अवधीमा सरकारले कर तिर्न गरेको आग्रहले व्यवसायीलाई हातोत्तसाहि बनाएको भन्दै गैरजिम्मेवार नबन्न सरकारलाई आग्रह गरिएको छ । विज्ञप्तिमा कोरोना भाइरस नियन्त्रण तथा रोकथामका लागि सरकार गम्भीर नभएको उल्लेख छ । परीक्षणको दायरा बढाउन र व्यवस्थित क्वारेन्टिनको व्यवस्था गर्न सरकारसँग माग गरिएको छ ।
लामो समयको लकडाउनसँगै गरिब, विपन्न र दैनिक ज्यालादारी मजदुर नराम्ररी प्रभावित बनेको अवस्थामा सरकारले राहत वितरण रोकेकोप्रति आपत्ति जनाएको छ । तत्काल राहत वितरणको लागि आग्रह गर्दै विज्ञप्तिमा भनिएको छ, ’नागरिकका समस्यामा सरकार गम्भीर बन्न आवश्यक छ ।’कास्की काँग्रेसका सभापति कृष्ण केसीद्वारा जारी विज्ञप्तिमा वर्तमान अवस्थामा कारोना लक्षित बजेट ल्याउन तीन वटै तहका सरकारको ध्यानाकर्षण गराइएको छ । विज्ञप्तिमा कृषकका लागि बीउबिजन, मलसहित राहतको प्याकेज ल्याउन र विद्यार्थीको पठनपाठनका लागि गम्भीर बन्न आग्रह गरिएको छ ।
त्यस्तै, पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताललाई कोरोना अस्पताल बनाउनु अव्यवहारिक भएको भन्दै अन्य विकल्प खोज्न ढिला गरिएकोप्रति ध्यानाकर्षण भएको उल्लेख छ । विज्ञप्तिमा विदेशमा रहेका नेपालीलाई सुरक्षित रुपमा ल्याउन र उचित व्यवस्थापनमा ध्यान दिन सरकारसँग आग्रह गरिएको छ ।विज्ञप्तिमा पोखरासहित देश, विदेशमा रहेका कोरोना संक्रमितको स्वास्थ्यलाभ र दिवंगत भएकाको चिरशान्तिको कामना गर्दै शोक सन्तप्त परिवारजनमा समवेदना व्यक्त गरिएको छ ।
Related News
सम्बन्धित समाचार
सिजी मोटर्सको नयाँ शोरुम पोखरामा, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१