पोखरा । १३ औं दक्षिण एशियाली खेलकुद (साग) अन्तर्गत पोखरामा भएको आर्चरी खेलमा नेपालले कम्तिमा एक रजत पदक जित्ने पक्का भएको छ ।
१० वटा स्वर्ण पदकको लागि जारी उक्त प्रतिस्पर्धामा नेपालले कम्पाउण्ड (५० मिटर) मिक्सतर्फ फाइनल पुगेसँगै रजत पदक पक्का गरेको हो ।
त्यसैगरी, ५ वटा विभिन्न इभेण्टमा कास्य पदकको लागि नेपालले आज (आइतबार) प्रतिस्पर्धा गर्ने भएको छ । कम्पाउण्ड मिक्स टिममा नेपालले बंगलादेशसँग सामना गर्ने भएको हो । नेपालले श्रीलंकामाथि १४३– १३७ अंक हात पार्दै सेमिफाइनलमा स्थान बनाएको हो ।
उक्त इभेण्टमा भुटान सहभागी नभएपछि बंगलादेश सिधै वाई पाएर फाइनलमा यात्रा बनाएको हो । नेपाली टिममा ईमायुङग् राई र शान्त मल्ल छन् । उता, श्रीलंकाको टिममा एन्थन पोला सेन्जेवा र थाक्सिला दमयन्ती थिए । त्यसैगरी, बंगलादेशका सुस्मिता बनिक र एमडी सोहिल राना कम्पाउण्ड मिक्स टिममा छन् । उक्त इभेण्टमा भुटान सहभागी नहुँदा श्रीलंकाले सहजै कास्य पदक हात पार्न सफल भयो ।
त्यसैगरी, नेपाल रिकर्भ पुरुषतर्फको इभेण्टमा कास्य पदकको लागि भुटानसँग प्रतिस्पर्धा गर्ने भएको छ । नेपाली टिममा तिलक पुनमगर, रोशन नगरकोटी र अशिम शेरचन छन् । उक्त बिधाको स्वर्ण पदकाको लागि बंगलादेश र श्रीलंकाबीच खेल हुनेछ ।
बंगलादेशको टिममा विश्व कै नम्बर १० भित्र पर्ने तथा ओलम्पिकमा छनौट समेत भएका साना एमडी रुमन, इस्लिाम महमत तामीमुल र रुवेल मोहम्मद हकिम अहमत सहभागी छन् । श्रीलंकाको टिममा भने दल पटादु रभिन कभिसा, डे शिल्वा महमदाच्ची सजीभ र हेरथ पिया सेनागे सन्दुन कुमारा सहभागी छन् ।
रिकर्भ महिलातर्फको टिममा पनि नेपालले कास्य पदकको लागि भुटानबीच खेल हुनेछ । नेपालको टिममा ज्ञानु अवाले, मित्र राई र आयुसा तामाङ छन् । उता, भुटानको टिममा ओलम्पिकमा छनौट भएकी खेलाडी कर्मा, डेकी सुनाम र डेमा सोनाम छन् ।
उक्त बिधाको स्वर्ण पदकको लागि बंगलादेशका खातुन एमएसटी इटीवाई, मोनेरा महनाज अक्तर र रे ब्युटी छन् । श्रीलंकाको टिममा शिल्भा थिसारी मधुसिका, तयावल्ली रिहाना र वाक दुगे मल्सा दिल्हानी छन् ।
रिकर्भ मिक्स टिमतर्फ पनि नेपालले कास्य पदकको लागि प्रतिस्पर्धा गर्ने भएको हो । नेपाली टिममा आइषा तामाङ, रोशन नगरकोटी श्रीलंकाको तर्फबाट डे सिल्भा महमदाच्ची सजीव र तयावल्ली रिहाना छन् । उक्त बिधाको स्वर्ण पदकको लागि बंगलादेशका खातुन एमएस्टी इटीवाई, साना एमडी रुमनसँग भुटानका देमासोनाम र छिरिङ किन्लेबीच फाइनल खेलमा प्रतिपर्धा हुनेछ ।
त्यस्तै, कम्माउण्ड पुरुषतर्फको खेलमा नेपालले कास्य पदकको लागि श्रीलंकासँग सामना गर्नेछ । नेपालको टिममा मिनप्रसाद गौचन, सन्त मल्ल र योगेन्द्र शेरचन छन् । श्रीलंकाको टिममा अथन पोला संजीव वसन्तकुमार, पेरेरा कुरुकुला एराच्चिग्गे उदय आइएनडी र विरासिंघे कनिस्कार गाएन छन् ।
उक्त बिधाको स्वर्ण पदकको लागि बंगला देश र भुटानबीच खेल हुने भएको हो । बंगलादेशको टिममा असिकुज्जमान महमद, दास असिम कुमार र राना एमडी सोहेल छन् । भुटानको टिममा वाङग्डि फुन्टशो, दोर्जी ताण्डिङ र सेराव कर्मा छन् ।
त्यसैगरी, नेपालले कम्पाउण्ड महिलातर्फ कास्य पदक हात पार्न सफल भएको छ । उक्त इभेन्टमा भुटान सहभागी नभएपछि नेपालले सिधै वाई पाएर कास्य पदक हात पार्न सफल भएको हो । नेपालको टिममा मोनिका रानामगर, मन्जु बजगाई र इमायुङ राई छन् । उक्त बिधाको स्वर्ण पदकको लागि बंगलादेश र श्रीलंका भिड्ने भएका छन् ।
बंगलादेशको टिममा वानिक सुस्मिता, विश्वास सुमा र रे समोली छन । श्रीलंकाको टिममा करुनारत्ने अनुराधा, सालिका हर्सानी र थाक्सिला दमयान्ती छन् ।
एकल कम्पाउण्ड पुरुषतर्फ स्वर्ण पदकको लागि भुटानका दोर्जी ताण्दिन र बंगलादेशका राना एम डी सोहेलबीच प्रतिस्पर्धा हुने भएको छ । सोही ईभेन्टको महिलातर्फ श्रीलंकाका करुनारत्ने अनुराधाले स्वर्ण पदकको लागि बंगलादेशका विश्वास सुमासंग भिड्ने भएका हुन् ।
एकल पुरुष रिकर्भतर्फ स्वर्ण पदकको लागि बंगलादेशका साना एमडी रुमान र भुटानका छिरिङ किन्लेबीच फाइनल प्रतिस्पर्धा हुने भएको छ । सोही इभेन्टको महिलातर्फ बंगलादेशकी खातुन एमएसटीवाई र भुटानकी डेमा सोनामबीच फाइनल खेल हुनेछ ।
Related News
सम्बन्धित समाचार
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
एनएलएलमा धनगढीसँग पोखरा थन्डर्स स्तभ्ध
महिला खेलाडीबाट बढी स्वर्ण
सागमा महिला खेलाडीहरुले दिलाए नेपाललाई बढि स्वर्ण
पदकधारी नेपाली खेलाडीलाई सरकारको विशेष पुरस्कार
hero news full width
मुख्य समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१