पोखरा, १५ असार । सहस्राब्दी पदमार्ग (मिलेनियम ट्रेक)मा साइनेज पोष्ट (पदमार्ग देखाउने बोर्ड) राखेर शुभारम्भ गरिएको छ ।
नेपाल पर्यटन बोर्डको आर्थिक सहयोग तथा मिलेनियम पदमार्ग व्यवस्थापन समितिले तनहुँको शुक्लागण्डकी नगरपालिका–२ स्थित गाछेपानीमा साइनेज पोष्टको शुभारम्भ गरिएको हो । पदमार्गलाई सहज बनाउने उद्देश्यले नेपाल पर्यटन बोर्ड गण्डकी प्रदेशका कार्यालय प्रमुख मणिराज लामिछानेले उक्त साइनेज पोष्टको शुभारम्भ गरेका हुन् ।
साइनेज पोष्टकोे शुभारम्भ गर्दै उनले साइनेज पोष्ट व्यवस्थापन समिति र नेपाल पर्यटन बोर्डको मात्र नभई स्थानीयको सम्पत्ति भएकाले यसको संरक्षणको जिम्मा स्थानीयले लिनुपर्ने बताए । पोखरा पर्यटकीय दृष्टिकोणले अति महत्वपूर्ण भएतापनि यसको अझै विकास गर्दै पोखरा आसपासका क्षेत्रलाई पनि पर्यटकीय रुपले विकास गर्न आफू लागि परेको उनले बताए ।
मिलेनियम पदमार्गको नेपाल पर्यटन बोर्डको पहिलो सहयोग भएको बताउँदै आगामी दिनमा त्यस्ता पोष्ट थपिदै जाने उनले बताए । सोही अवसरमा शुक्लागण्डकी नगरपालिका वडा नं. २ का कार्यपालिका सदस्य दानुमाया अधिकारी सापकोटाले मिलेनियम पदमार्गको पूर्वाधार विकासलाई अगाडि बढाउन आफू सदा तत्पर रहेको बताइन् ।
मिलेनियम पदमार्ग व्यवस्थापन समितिका महासचिव हर्कबहादुर गुरुङले रहर र लहडले पर्यटनको विकास नहुने बताउदै मिलेनियम पदमार्गमा धेरै सम्भावना रहेकोले यसको भविष्य उज्ज्वल रहेको बताए ।
नेपालको पहिलो मध्यपहाडी पदमार्गलाई बिना गाइड सहज रुपमा पदयात्राको लागि आवश्यक देखिएकाले नेपाल पर्र्यटन बोर्र्डको सहयोगमा हाललाई अतिआवश्यक ठाउँमा (४२ वटा) साइनेज पोष्ट राख्न लागिएको छ ।
तनहुँको शुक्लागण्डकी नगरपालिका वडा नं. २ गाछेपानीबाट शुरु भई स्याङ्जाको वालिङ नगरपालिका रामबाच्छासम्म जोड्ने ७२ किमीको यो पदमार्ग रहेको छ । मिलेनियम ट्रेक अन्तर्गत शुक्लागण्डकीको वडा नं. १० स्थित रजस्थल, वडा नं. १२ को घरेडी, पुतलीबजारको वडा नं. ७ स्थित साँदीखोला, वडा नं. २ स्थित भैंसेगौडा, चिरुवा, पोखरीछाप, वडा नं. १२ स्थित चन्द्रकोट र डाँडागाउँ, वालिङको बुढाकोट लगायत १७ वट ठाउँमा सामुदायिक घरबास कार्यक्रम सञ्चालन भइसकेको छ । ।
Related News
सम्बन्धित समाचार
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
बन्दीपुरमा अन्तर्राष्ट्रियस्तरको रेष्टुरेन्ट र टुरिष्ट पार्क सञ्चालन
hero news full width
मुख्य समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१