पोखरा, ५ भदौ । पर्यटकीय नगरी पोखरामा एशियामै उत्कृष्ट लेक भ्यू रिसोर्ट एण्ड अपार्टमेन्ट निर्माण हुने भएको छ ।
फेवातालको उत्तरपश्चिम पोखरा वडा १८, सेदीमा ३६ रोपनी क्षेत्रफलमा सो अपार्टमेन्ट निर्माण अघि बढेको पोखरामा आयोजित पत्रकार सम्मेलनमा बि एण्ड बि प्रालिका प्रबन्ध निर्देशक बिमल बसेलले जानकारी दिए ।
२५ वर्षदेखि रियलस्टेट क्षेत्रमा काम गरेका युवा व्यवसायीको सक्रियतामा प्रालिले एशियामै नमूनास्तरको सो अपार्टमेन्ट निर्माण ८ अर्ब रुपैयाँ लगानीमा ३ वर्षमै सक्ने लक्ष्य राखेको छ ।
२ वटा बिल्डिङमा ४ सय ६४ वटा अपार्टमेन्ट निर्माण गरिने कम्पनीका इञ्जिनियर विक्रम थापाले जानकारी दिए । उनका अनुसार टाइम सेयरिङङ अवधारणाबाट अपार्टमेन्ट निर्माण हुनेछ ।
कम्पनीका प्रबन्ध निर्देशक बसेल भन्छन्, ‘अपार्टमेन्टका आफ्नै विशेषता छन्, अपार्टमेन्टले संसारभरका मानिसहरुलाई दोस्रो घरको याद दिलाउनेछ ।’ जसमा २ वटा रेस्टुरेन्ट, २ वटा स्वीमिङ पुल, सूपरमार्केट, ट्राभल सुविधा, मनी चेञ्जर, व्युटीपार्लर, स्पा, सैलुन, हेल्थ क्लब, पेन्ट घर,तीन तलासम्म पार्किङ सुविधालगायत मानवीय आवश्यकता प्रशस्त सुविधा रहने छन् ।
अपार्टमेन्टबाट फेवाताल, पोखरा, शान्तिस्तुपा लगायत पोखरा वरपरका सुन्दर दृश्य देख्न सकिनेछ । नमूनायोग्य प्रोजेक्टले पोखराको पर्यटन क्षेत्रलाई ब्राण्डिङ गरेर संसारभर चिनाउन योगदान पुर्याउने बताइएको छ ।
बसेल भन्छन्, ‘पोखरामा क्षेत्रीय अन्तर्राष्ट्रिय विमानस्थल बनिसक्दा आफूहरु पनि सेवाका लागि तयार भइसक्नेछौं । पर्यटन क्षेत्रमा गण्डकी प्रदेश सरकाले लिएको लक्ष्य पूरा गर्न यो आवश्यक छ ।
प्रदेश सरकाले यस क्षेत्रलाई लगानीमैत्री बनाउन लगानी सम्मेलन गर्दैछ । स्थानीय व्यवसायीको अगुवाइमा सञ्चालन हुने सो परियोजनाले पोखरामा लगानी गर्ने वातावरण सिर्जना भएको व्यवसायीहरुले बताएका छन् ।
परियोजना निर्माण हुने स्थान सम्याउने काम सकिएको कम्पनीका निर्देशक राम बसेलले जानकारी दिए । अपार्टमेन्टका विशेषता सेभेन-स्टारस्तरको हुनेछ । संसारकै उत्कृष्ट अवधारणाबाट निर्माण हुने अपार्टमेन्टको बुकिङसमेत सुरु भएको छ । १ करोड ३३ लाख रुपैयाँदेखि २ करोड ८९ लाख रुपैयाँसम्मका अपार्टमेन्ट खरिद गर्न सकिनेछ । प्रि-लञ्चिङ अवसरमा ५ प्रतिशत छुटको व्यवस्था गरिएको छ कम्पनीले जनाएको छ । प्रि-लन्चिङ अवसरमा झण्डै ९० वटा अपार्टमेन्ट बुकिङ भएको बताइएको छ ।
पोखरामा हालसम्म ३५ फिटको अनुमति लिएर ११ तलाका होटल बनेका छन । सोही मापदण्ड आधार मानेर पोखरा महानगरले उचाइको मापडण्ड परिमार्जन गर्ने थालेको छ । उचाइ मापदण्ड बढाउने प्रक्रिया अगाडि बढाएको महानगरका नक्साशाखा प्रमुख इञ्जिनियर पूर्ण गुरुङले बताए ।
कम्पनीका प्रबन्ध निर्देशक बिमल बसेलको अध्यक्षतामा भएको पत्रकार सम्मेलनको संचालन कम्पनीका निर्देशक राम बसेलले गरेका थिए ।
Related News
सम्बन्धित समाचार
सिजी मोटर्सको नयाँ शोरुम पोखरामा, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१