पोखरा । साहित्यकारको छवी बनाएका गनेस पौडेल पोखराका रैथाने हुन् । व्यवस्थित वसोवासका बारेमा चासो राख्ने र विषय उठान गरिरहने उनको परिवार पोखरा विमानस्थलका कारण पटक पटक विस्थापित भइसकेको छ । विमानस्थल निर्माणका क्रममा स्थानीयलाई कम वास्ता गरेर उठिवास लगाएकामा उनले आवाज उठाइ नै रहेका छन् । अर्बौं लगानीमा विमानस्थल बनिसक्दा समेत पानीको कटान व्यवस्थित नगर्दा आसपासको बस्ती नै उठ्ने खतरा अझै कायम छ ।
छिनेडाँडाका बासिन्दा गनेसले सोमबार दिउँसो गुगल म्याप नै राखेर एउटा स्टाटस लेखे । फेसबुक लगायत सामाजिक सञ्जालबाट टाढै बस्न रुचाउने उनी आक्कलझुक्कल स्टाटस लेख्छन् । सोमबार दिउँसोको स्टाटसले पोखरा र पोखराको विकासका बारेमा चासो राख्ने धेरैको ध्यान खिच्यो । त्यसो त गनेस गएको स्थानीय तहको चुनावमा मेयरमा स्वतन्त्र उम्मेदवार थिए ।
पोखराको जनसंख्या वृद्धिदर तीव्र छ । त्यसै अनुसार गाडीको चाप पनि बढ्दो छ । विमानस्थलबाट अन्तर्राष्ट्रिय उडान भइहाल्यो भने अझै गाडीको चाप बढ्ने छ । पाहुना थपिनेछन् । पोखरामा अहिले भइरहेका सडकवाहेक वैकल्पिक मार्गका बारेमा कमै चर्चा हुन्छ । प्रदेश र स्थानीय सरकारको ध्यान पनि त्यता पुग्न सकेको देखिँदैन । त्यसो त अहिले बनेको विमानस्थलबाट लेकसाइड जोड्नका लागि वैकल्पिक मार्गको परिकल्पना गरिएको छ ।
विमानस्थल, रामबजार, सीताराम पुल हुँदै बिरौटा जोड्ने बाटोको स्तरोन्नति गर्ने भनिएको छ । विस्तार भइसकेको बस्तीको बीचबाट ल्याउने भनिएको यो बाटो पोखराका मेयर धनराज आचार्यले भनेजस्तै प्रभावकारी हुनेमा शंका कायम छ ।
यसैबीचमा गनेसले पोखरा २६ र १४ जोड्ने गरी विजयपुरमा बनेको पुलको उपयोगिताका बारेमा लेखेको स्टाटसले पोखराका मेयर आचार्यको ध्यान खिचेको छ । एअरपोर्ट छेउ छिनेडाँडा नजिकैबाट विजयपुर जोड्ने गरी २ वर्ष अघि नै पुल बने पनि खासै प्रयोगमा आउन सकेको छैन ।
गनेसको स्टाटसमा प्रतिक्रिया दिँदै मेयर आचार्यले लेखेका छन्, घन्यवाद् सर प्राविधिक साथीहरु खटाएको छ, रिपोर्ट प्राप्त भएपछि के गर्न सकिन्छ अपडेट गराउने छु है ।
के छ गनेसको स्टाटसमा
चित्रमा गोलो लगाएको ठाउँ विजयपुर खोलामा बनिसकेको पक्की पुल हो । करिब २ सय मिटर बाटोको स्तरोन्नति गर्ने हो भने सबैखाले साना तथा मझौला सवारी साधनहरू त्यो बाटो हुँदै एअरपोर्टको छेवैछेऊ अमरसिंह चोक उता छोरेपाटनसम्म निस्किन सक्छन । यसले निर्माणाधिन पृथ्वी राजमार्ग र पृथ्वी चोकसम्मको ट्रफिक प्रेसर घटाउँछ । ढुँगेसाँघु र छोरेपाटन निस्किनेको लागि त दूरी पनि छोटो पर्छ ।
जम्मा २ सय मिटर बाटो पिच वा ढलान गरेमास या सामान्य ग्रेडिङ मात्रै गरे पनि पोखरेलीले हाइवेको सवारी जाम र धुलो मैलोको सास्ति कम खेप्नु पथ्र्यो ।
३ वर्ष अघि निर्माण भइसकेको र थोरै बजेटले सुचारू हुन सक्ने यो पुल सुचारू गर्न मैले १४ र २६ वडाका वडाध्यक्ष र मेयर धनराज आचार्यको पनि ध्यानाकर्षण गरेको थिएँ । तर पनि सक्रियता किन भएन थाह भएन ।
के तपाईंलाई त्यो बाटो र पुलको सान्दर्भिक महत्वको बारेमा थाह छ ?
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१