लेखनाथ । अर्घौचोकस्थित त्रिवेणी पब्लिक माविले विविध कार्यक्रमसाथ बुधबार २८ औं वार्षिकोत्सव तथा अभिभावक दिवस मनाएको छ ।
श्रीपञ्चमीको दिन भएकोले सरस्वतीको पूजापाठ तथा आराधना गरी सुरु भएको कार्यक्रम उद्घाटन गर्दै साहित्यकार सरुभक्तले बालबालिकाको कल्पनाशीलता, चिन्तनशीलता र आफैंले सोच्न सक्ने क्षमता अभिवृद्धि हुनेखालको शिक्षा नीति आवश्यक पर्ने बताए ।
राष्ट्रिय परीक्षा बोर्ड गण्डकीका परीक्षा व्यवस्थापन कार्यालयका प्रमुख लक्ष्मण देवकोटाले गुणस्तरीय शिक्षाका नाममा अन्तर्राष्ट्रियस्तरमा मान्यताप्राप्त शिक्षा दिँदै गर्दा शिक्षा विदेश जाने लाइसन्स बनेको बताए ।
पोखरा महानगर शिक्षा महाशाखाका वरिष्ठ शिक्षा अधिकृत बद्री सुवेदीले अभिभावक नै पहिलो शिक्षक भएकाले आफ्ना बाबुनानीलाई ज्ञानुक्त, सिपयुक्त र नैतिकवान् बनाउन सबै क्षेत्रको भूमिका महत्वपूर्ण हुने बताए । एनप्याव्सन कास्की अध्यक्ष हेमन्त अधिकारीले त्रिवेणी पब्लिक उत्कृष्ट र अब्बल प्रमाणित भएको बताउँदै अबका दिनमा किताबी ज्ञानमात्र नदिई जीवन जिउनेखालका व्यावहारिक शिक्षा दिन आग्रह गरे ।
पोखरा २७ का वडाध्यक्ष पूर्णकुमार गुरुङले वडाको शैक्षकस्तर उकास्न विद्यालयले खेलेको भूमिकाका लागि आभार व्यक्त गरे । उनले वडाभित्र रहेका विद्यालयको भौतिक पूर्वाधारतर्फ ठुलो फड्को मारेको बताउँदै शिक्षाको गुणस्तर कसरी वृिद्ध गर्ने भन्ने विषयमा चिन्तनशील रहेको जनाए ।
हिसान कास्की अध्यक्ष यमबहादुर रोक्काले अहिलेको समय घोकन्ते शिक्षाको नभई २१ औं शताब्दी अनुरुपको शिक्षा दिनुपर्नेमा जोड दिए । लेखनाथ उद्योग बाणिज्य संघ महासचिव जानुका अधिकारीले आफ्ना बाबुनानीको गतिविधिबारे अभिभावकले पनि चासो राख्नुपर्नेमा जोड दिइन् ।
राइजिङ स्टार युवा क्लब अध्यक्ष विष्णु गुरुङले विद्यार्थीलाई संस्कारयुक्त शिक्षा दिनुपर्ने बताए ।
विद्यालय प्राचार्य विष्णुप्रसाद अधिकारीले विद्यालयको हिजोको अवस्था आजका गतिविधि र भोलिका योजनाबारे जानकारी गराउँदै विद्यार्थीलाई संस्कारी र मेहनत गर्न सक्नेखालको बनाउन चाहेको योजना सुनाए ।
कार्यक्रममा विद्यार्थीले चेतनामूलक नाटक, भजनकीर्तनसहित विविध सांस्कृतिक प्रस्तुति राखेका थिए । जसमा अभिभावकको समेत सहभागिता थियो । उक्त अवसरमा उत्कृष्ट कार्यसम्पादन गरेवापत शिक्षक रामप्रसाद शर्मा र १० वर्षभन्दा बढी सेवा गरेका अनिल भण्डारी, खगराज धमला, हरि भण्डारी, कल्पना न्यौपाने, लक्ष्मी लामा, शिवराज गौतम र रीता पुर्जालाई सम्मान गरियो ।
विद्यालय सञ्चालक समिति अध्यक्ष राजेन्द्रमणि पौडेलको अध्यक्षतामा भएको कार्यक्रममा व्यवस्थापन समितिका अध्यक्ष गोविन्द भण्डारीले स्वागत र शिक्षक भरत अधिकारीले सञ्चालन गरे ।
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१