पोखरा । नेकपा एमाले उपमहासचिव प्रदीप ज्ञवालीले सरकार फेर्ने बेला भएको बताएका छन् । अहिलेको सरकारले जनतामा निराशा मात्रै थपेको र उत्साह मरेको भन्दै सरकार नै परिवर्तन हुनुपर्ने उनको भनाइ छ । एमालेले सरकार फेर्न अंकगणित जुटाउन कसरत गरिरहेको उनले सुनाए । ‘अब सरकार बदल्नु अपरिहार्य छ । तर एमालेले चाहेर मात्रै सरकार बदलिने अवस्था छैन,’ प्रेस चौतारी नेपाल कास्कीले शनिबार आयोजना गरेको पत्रकार सम्मेलनमा उनले भने, ‘बदल्ने बाटो भनेको संसदभित्रको अंकगणित नै हो । विभिन्न दलहरूलाई अपिल गरिरहेका छौं ।’ देशको अवस्था नाजुक भएको भन्दै उनले यस्तो बेला सबै दललाई दुख्नुपर्ने बताए ।
‘देशको यस्तो स्थितिमा पनि दुख्दैन भने लज्जास्पद भयो । अर्थतन्त्र बिग्रेको बनाउन सकिएला, तर देश बन्दैन भन्ने जुन अवस्था बनेको छ, देश छोड्ने अवस्था बनेको छ, उनीहरूलाई फर्काउन गाह्रो पर्छ,’ अघि भने, ‘यो अवस्थाप्रति जिम्मेवार बनौं भनेर आग्रह गरेका छौं । देशको समस्याबारे जुन दल जिम्मेवार हुन्छ हामी एजेण्डावेस सहकार्यको पक्षमा छौं ।’ उनले दलहरुलाई एमालेको एजेण्डामा सहमत हुन अपिल पनि गरेका छन् । ज्ञवालीले विपक्षी गठबन्धन दलहरुको विषयमा भने खुलाएनन् ।
‘कांग्रेसको माओवादीकरण भएको हो कि माओवादीको कांग्रेसकरण भएको हो भन्ने छुट्टाउनै गाह्रो छ,’ उनी भन्छन्, ‘शेरबहादुर देउवाको अनुहार हेर्दा प्रचण्ड प्रचण्डजस्तो देखिनुहुन्छ । प्रचण्डको अनुहार हेर्दा शेरबहादुर शेरबहादुर जस्तो देखिनुहुन्छ । यति सारो मिल्ती हुने रहेछ, ५२ सालमा मिलेको भए १७ हजार मान्छेको ज्यान जाने थिएन ।’
उनले वर्तमान नेतृत्वले भ्रष्टाचार नियन्त्रण गर्न नसकेको आरोप लगाएका छन् । ‘सुन तस्करी खोज्दै गयो महराको नाम आउँछ, भरिया समातेर अरूले उन्मुक्ति पाउँछन् । ललिता निवास खोज्दै गयो, बाबुराम र माधव नेपालको ढोकामा पुगेपछि रोकिन्छ,’ ज्ञवाली भन्छन्, ‘अहिले बाँसबारी जग्गाको प्रकरण आएको छ, छुटाउन राजनीतिक दलहरूले दबाब दिइरहेका छन् । भ्रष्टाचार विपक्षीलाई तर्साउने साधनजस्तो भएको छ । भ्रष्टाचारीको पार्टी हुँदैन, विचार, रङ, जात हुँदैन । यसरी गए पो निष्कर्षमा पुगिन्छ ।’ उनले भारतले बिजुली किन्ने वहानामा नेपालका नदीनालामाथि कब्जा जमाएको आरोप पनि लगाए ।
‘भारतसँग १० हजार मेगावाट बिजुलीको सम्झौता भयो । आम रुपमा यो सकारात्मक छ । नेपालले व्यापार घाटा कम गर्न ठीकै होला,’ उनी भन्छन्, ‘१० हजार मेगावाटको विद्युत व्यापारभित्र नेपालले चुकाउनुपरेको हिडन कस्ट डरलाग्दो छ । भारतले आफ्नो कम्पनीले उत्पादन गरेको बिजुली मात्रै खरिद गर्ने भनेको छ । यसले तेस्रो मुलुकको लगानीलाई निषेध गरेको छ । ऊर्जा व्यापारको आवरणमा हाम्रो प्राकृतिक स्रोतमाथि कब्जा जमाएको छ ।’ उनले यसअघि निर्माण भएका विमानस्थललाई ह्यान्ण्डल गर्ने शर्तमा निजगढ विमानस्थल निर्माणको जिम्मा भारतलाई दिन लागेको भन्दै यो गलत हुने बताए ।
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१