पोखरा । २३ औं आहा रारा पोखरा गोल्डकपमा नेपाल पुलिस क्लब क्वाटरफाइनल प्रवेश गरेको छ । शुक्रबार पोखरा रंगशालामा चौथो तथा अन्तिम प्रिक्वाटरफाइनलमा सशस्त्र प्रहरी बलको एपिएफ क्लबलाई २–० गोलले पराजित गर्दै विजयी यात्रा सुरुआत गरेको हो ।
आहा रारामा सर्वाधिक सफल पुलिसलाई अघि बढाउन मानबहादुर परियारले २ गोलको योगदान दिए । उनले खेलको १९ र ७० औं मिनेटमा हेडमार्फत गोल गरेका हुन् ।
सुरुआति समयदेखि दुवै टिम निकै प्रतिस्पर्धामा थिए । तेस्रो मिनेटमा नै पुलिसका दीपेन्द्र बिकले दिएको पासमा प्रताप गुरुङले एपिएफका डिफेन्डर बिट भइसकेको अवस्थामा ढिला प्रहार गरे । १२ औं मिनेटमा पुलिसका हेम तामाङले एपिएफका बिके तामाङलाई लगाएपछि पाएको फ्रिकिक मणि लामाले पोस्टको दिशा दिन सकेनन् । १९ औं मिनेटमा प्रताप गुरुङको फ्रिकिकमा मानबहादुरले हेड गोल गर्दै टिमलाई अघि बढाए । ३३ औं मिनेटमा एपिएफले बराबरी गोल गर्ने सुनौलो मौका गुमायो । डि–एरियाका ३ डिफन्डर बिट गर्दै प्रहार गरेको बल क्रसबारमा लागेर फर्कियो ।
आज पहिलो क्वाटरफाइनलमा भुटानको पारो फुटबल क्लबसँग थ्रीस्टार क्लबबीच प्रतिस्पर्धा हुने
३३ औं मिनेटपछि मणि लामाको फ्रिकिक बल पुलिसका गोलरक्षक शत्रूधन चौधरीले पञ्च गर्दै कर्नरका लागि बाहिर फालिदिए । सो कर्नरमा बुद्धिमान राईले हानेको हेड बल रिबान्ड भएपछि सुमन श्रेष्ठले प्रहार गरेको बलले पोस्टको दिशा नलिँदा एपिएफले पहिलो हाफमा बराबरी गर्ने अर्को अवसर गुमायो ।
दोस्रो हाफमा अधिकांश समय एपिएफले बल आफ्नो नियन्त्रणमा राखेको थियो । तर, गोल भने गर्न सकेन । पुलिसले पाएको अवसर सदुपयोग गर्दै अग्रता दोब्बर बनायो । ५३ औं मिनेटमा मणिको प्रहार बाहिरियो । ६५ औं मिनेटमा मणिले नै प्रहार गरेको फ्रिकिकमा दीपेश हमालले जाली चुमाउन सकेनन् । ७० औं मिनेटमा पुलिसले पाएको कर्नरको अवसरलाई सदुपयोग गर्न पुनः मानबहादुरले नै हेड गोल गरे । ७६ औं मिनेटमा एपिएफका युवराज खड्काले प्रहार गरेको बल पोस्ट माथिबाट बाहिरियो । उनले पुलिसका गोलरक्षक शत्रूधनले नियन्त्रणमा लिन खोजेको रिबाउन्ड बल प्रहार गरेका थिए । ८३ औं मिनेटमा पुलिसका प्रवीण थापाले एपीएफका गोल रक्षक उज्वल श्रेष्ठसँग वन भर्सेस वनको अवस्थामा बिट गर्दै भली प्रहार फितलो रह्यो । उनको प्रहार एपीएफका खेलाडीले बचाए । ८९ औं मिनेटमा एपीएफले गोल गर्ने राम्रो अवसर गुमायो । पुलिसका गोलकिपर शत्रूघनले रोक्न नसकेको बल रिबाउन्डमा दीपेश धिमालले प्रहार गरेको बल बाहिरियो ।
पुलिसका प्रशिक्षक चेतन घिमिरे केही नयाँ खेलाडी लिएर खेल्दा समन्वय अभावबीच पनि जित निस्केको बताए । ‘खेल जित्नका लागि गोल आवश्यक त पर्छ नै । हामीले २÷४ जना नयाँ खेलाडी ल्याएर परिक्षण गरेका थियौं । त्यही कारण केही एड्जस्ट नभएको जस्तो देखियो,’ उनले भने, ‘तर पनि केही पाएको अवसर खेलाडीले सदुपयोग गरे ।’
एपिएफका प्रशिक्षक सुमन श्रेष्ठले फिनिसिङ गर्न नसक्दा हार व्यहोर्नु परेको बताए । पुलिसले क्वाटरफाइनलमा चर्च व्बाईजसँग खेल्नेछ ।
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१