पोखरा । आइएनएफ नेपालको ७१ औं वार्षिकोत्सव कार्यक्रम एक विशेष समारोहका बीच सम्पन्न भएको छ । कार्यक्रमको उद्घाटन गर्दै पोखरा महानगरपालिकाका प्रमुख धनराज आचार्यले नेपालमा स्वास्थ्य सेवाका लागि अग्रणी संस्था आइएनएफ, ग्रामीण समुदायमा स्वास्थ्य सेवा प्रदान गर्ने, जीविकोपार्जनमा सहयोग गर्ने र सामाजिक समावेशीतालाई प्रवद्र्धन गर्न महत्वपूर्ण भूमिका खेलेको तथ्य उजागर गर्दै पोखरालाई स्वास्थ्यको हिसाबले समृद्ध बनाउन आगामी दिनमा आई एन एफ नेपालसंग सहकार्य गरि अघि बढ्ने प्रतिवद्घता व्यक्त गरे ।
आइएनएफ नेपालका अध्यक्ष रामचन्द्र तिमोथीले अग्रजको योगदानसहित गर्बिलो इतिहास बोकेको संस्थाले आफ्नो गरिमालाई उच्च राख्न निरन्तर अथक प्रयास गर्दै आएको तर्फ जोड दिए ।
कार्यक्रममा उद्घाटन मन्तव्य बोर्ड सल्लाहकार डा. दीपेन्द्रकुमार गौतम र स्वागत मन्तव्य बोर्ड उपाध्यक्ष राजेन्द्रकुमार अधिकारीले राखेका थिए । आइएनएफ नेपालका गतिविधि र दीर्घकालीन योजनाका बारेमा कार्यकारी निर्देशक कृष्ण अधिकारीले प्रकाश पारेका थिए ।
कार्यक्रममा पोखरा महानगरपालिका १ का वडाध्यक्ष साहारा प्रधान, १५ का वडाध्यक्ष तोरणबहादुर बानिया, गैसस महासंघ नेपालका अध्यक्ष रामप्रसाद सुवेदी, पोखरेली ख्रीष्टीय समुदायका अध्यक्ष रामप्रसाद शर्मा, आइएन एफ इन्टरनेसनल बोर्डका अध्यक्ष फिल लिन्जे थिए ।
त्यसैगरी कार्यक्रममा डा. सर्ली हेउडलाई ११ औं स्वास्थ्य अर्वाड नेपाल विजेता भएकामा तथा डा. शुभेच्छा देवा श्रेष्ठलाई फिगो अर्वाड युके विजेता भएकामा सम्मान गरिएको थियो । त्यस्तै, ओबिई इन द किङ्स न्यु यिएर अर्बाड, युकेद्वारा सम्मानित भएकामा डा. माइकल स्मिथ तथा इकेएफ डेभलपमेन्ट कर्पाेरेसन इन मेडिसिन अर्वाड, जर्मनी विजेताद्वय दोरथीदास परियार र थमबहादुर गुरुङलाई सम्मान गरिएको थियो । सम्मानित व्यक्तिहरुका बारेमा स्वास्थ्य सेवा निर्देशक डा. अरुण कुमार बुढाले जानकारी गराए ।
कार्यक्रममा विसं २०७७ पछि अवकाश प्राप्त कर्मचारीलाई कदरपत्र प्रदान गरिनुका साथै खेलकुद सप्ताहका विजेतालाई पुरस्कार वितरण गरिएको थियो । हरियोखर्क अस्पतालका कर्मचारीद्वारा विविध सांस्कृतिक गीत तथा नृत्य प्रस्तुत गरिएको कार्यक्रम सञ्चालन कर्मचारी धनमाया गुरुङले गरेकी थिइन् ।
विसं २००९ सालमा स्थापित आइएनएफले नेपाल सरकारसँग हातेमालो गर्दै कुष्ठरोग तथा क्षयरोगको क्षेत्रमा योगदान पु¥याउदै आइरहेको छ । संस्थाले सामुदायिक स्वास्थ्य र विकासका क्षेत्रमा हरियोखर्क अस्पताल लगायत तीन अस्पतालसँगै बाजुरा, मुगु, जुम्ला, कालीकोट, सुर्खेत, बाँके, दाङ, रोल्पा, कपिलवस्तु, कास्की र गोरखा जिल्लाहरुमा अविछिन्न रुपमा सेवा प्रदान गर्दै आइरहेको छ ।
Related News
सम्बन्धित समाचार
राखेपद्वारा मिसन २०२६ मा पाँच खेल थप
पोखरा रोयल सहकारीको २३औं स्थापना दिवस
माइक्रोबस र टिपर ठोक्किँदा १३ जना घाइते, दुईको अवस्था गम्भीर
जलवायु परिवर्तनका क्षेत्रमा बेलायतले नेपाललाई सघाउने
बागलुङका ११ हजार बालबालिकालाई आइपिभी खोप लगाइँदै
hero news full width
मुख्य समाचार
अधिकारी सरकारको वैधानिकताको टुंगो आज
पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१प्रधानमन्त्री दाहालले आज चाैथोपटक विश्वासको मत लिँदै
जेठ ७, २०८१दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१