पोखरा । चैत ५ गते हुने भनिएको स्वतन्त्र विद्यार्थी युनियनको निर्वाचन पृथ्वीनारायण (पिएन) क्याम्पसमा हुन सकेन । विद्यार्थी विवाद अदालतसम्म पुगेपछि आन्तरिम आदेशसँगै निर्वाचन अन्यौलमा परेको थियो । पछि अदालतले निर्वाचनका लागि निर्देशन दिएपछि क्याम्पसले सोमबार निर्वाचन तालिका सार्वजनिक ग¥यो । तर, तालिका पुनः सार्वजनिक हुँदा पनि अन्यौलता कायमै छ ।
लामो समयदेखि क्याम्पसमा जारी तालाबन्दी र अदालतमा पुगेको रिट निवेदन फिर्ता भएसँगै चुनावी हुने निश्चित भएको हो । क्याम्पसको निर्वाचन समितिको सोमबार निर्वाचन कार्यतालिका सार्वजनिक गरेसँगै चुनावी माहोल गर्माएको छ । निर्वाचन समितिले चैत २९ मा मनोनयन दर्ता र वैशाख ३ गते मतदानको मिति तोकिएको छ । यसअघि निर्वाचन भाँड्ने गरी कुनै पक्षबाट तालाबन्दी गरिए प्रशासनको सहयोगमा ताला तोडेर प्रक्रिया अगाडि बढाउन निर्देशन गरेको थियो । स्थगित निर्वाचन पुनः संचालन गर्ने क्याम्पस प्रशासन र विद्यार्थी समूहबीच सहमति भएको हो ।
तर, एक समूहले मंगलबार बेलुका निर्वाचन कार्यालय र क्याम्पस प्रशासनमा ताला लगाएपछि निर्वाचन पुनः अन्यौलतामा धकेलिएको निर्वाचन अधिकृत प्राडा विकास केसीले जानकारी दिए । निर्वाचन गर्न खोलिएको स्थानमा अनेरास्ववियु (विप्लव), अनेरास्ववियूले पुनः ताला लगाएपछि निर्वाचनको प्रक्रिया अघि नबढेको उनले बताए ।
तालिका अनुसार मंगलबार मतदातासूची उपर दाबी विरोधको कार्यक्रम थियो । तर, ताला लागेपछि त्यो काम अघि नबढेको उनले जानकारी दिए । मंगलबारको प्रक्रिया अघि नबढेपछि अर्को चरणमा जान नसकिने उनले बताए । तालिकाअनुसार बुधबार मनोनयन दर्ता, बिहीबार नामावली प्रकाशन र दाबी विरोधको प्रक्रिया गरी अन्तिम नामावली प्रकाशनको कार्यक्रम थियो । सबै प्रक्रिया सकेर बैशाख ३ मा मतदान मिति तोकिएको थियो ।
Related News
सम्बन्धित समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१