पोखरा । समृद्धि स्टिल्स राष्ट्रिय औद्योगिक व्यापार मेला–२०७९ सफल पार्न पोखरा उद्योग वाणिज्य संघआवद्ध बस्तुगत संघले सघाउने प्रतिबद्धता व्यक्त गरेका छन् । उनीहरुले व्यापार मेला सफल हुँदा आर्थिक गतिविधि चलायमान हुने धारणा पनि व्यक्त गरे । नयाँबजारस्थित प्रदर्शनी केन्द्रमा यही मंसिर १६ देखि २६ सम्म मेला सुरु हुँदैछ ।
कास्की जिल्ला हस्तकला संघ अध्यक्ष रामकली खड्काले महिला उद्यमी, हस्तकला तथा लघुउद्यमीका लागि आफ्ना उत्पादन प्रदर्शन गर्ने उपयुक्त थलो नै मेला भएको बताइन् । आफ्ना सामानको ब्रान्डिङ गर्न तथा उपभोक्ताको धारणा बुझ्न पनि यस्ता मेलामा सहभागिता जनाउनुपर्ने उनको भनाइ थियो । उनका अनुसार सिटीइभिटीको सहकार्यमा कास्की जिल्ला हस्तकला संघले मेला परिसरभित्रै विभिन्न ४ खालको तालिमको प्रबन्ध गरिएको छ ।
पोखरा हार्डवयर एसोसियसन अध्यक्ष शेषकान्त ढकालले राष्ट्रिय औद्योगिक व्यापार मेला सफल हुँदा त्यसको फाइदा सबै व्यवसायी र पोखरेलीले पाउने बताए । मेला उत्पादक र उपभोक्तालाई एउटै थलोमा भेट हुने थलो हो भने ।
पोखराको नयाँबजारमा मंसिर १६ देखि २६ सम्म मेला हुँदैछ
फेन्सी तथा रेडिमेड व्यवसायी संघ अध्यक्ष राजु पौडेलले मेलामा गुणस्तरीय सामग्री सस्तो मूल्यमा उपलब्ध गराउन विशेष व्यवस्था गरिनुपर्ने सुझाव दिए । सिद्धार्थचोक–चिप्लेढुंगा व्यवसायी संघका अध्यक्ष डिबी भुजेलले उपभोक्ताका चाहना र आवश्यकता अनुसारका बस्तु तथा सेवाहरु मेलामा राखिनुपर्नेमा जोड दिए । सर्वेश्वर मार्ग व्यवसायी संघका अध्यक्ष बालकृष्ण भण्डारीले राष्ट्रिय औद्योगिक व्यापार मेला व्यवसायीको ठूलो पर्व भएको धारणा राखे ।
कास्की जिल्ला मुद्रण संघ अध्यक्ष किरण श्रेष्ठले मेलालाई सफल बनाउन हरतरहले सघाउने प्रतिबद्धता व्यक्त गरे ।
पृथ्वी होटल संघका अध्यक्ष बालकृष्ण न्यूरेले मेलाले सेवा उद्योगको प्रवद्र्धनमा पनि सघाउने धारणा राखे । फलफूल तथा तरकारी बिक्रेता संघका रामकृष्ण दवाडीले मेलामा कृषि उत्पादनहरुलाई विशेष प्राथमिताका साथ प्रदर्शन गरिनुपर्ने सुझाव दिए ।
कस्मेटिक व्यवसायी संघकी दुर्गा बरालले मेलालाई महिला उद्यमशीलता विकास गराउने थलोको रुपमा विकास गर्नुपर्ने बताइन् ।
मेलाको बस्तुगत संघ संस्था समन्वय उपसमिति संयोजक लेखनाथ सुवेदीले बस्तुगत संघसँगको सहकार्यबाट मात्र मेला सफल हुने बताए ।
कार्यक्रममा संघ अध्यक्ष पवनकुमार प्रजापति, वरिष्ठ उपाध्यक्ष गोकर्ण कार्की लगायतले सहभागीको जिज्ञासा मेटाएको महासचिव बलराम आचार्यले बताए ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१