पोखरा । क्यानडा लैजाने लोभ देखाएर युवाहरुलाई ठगेको आरोपमा पक्राउ परेका १ जनालाई कास्की जिल्ला अदालतले पुर्पक्षका कारागार चलान गरेको छ ।
क्यानडा पठाइदिन्छु भन्दै ३३ जना युवाबाट १ करोड रुपैयाँभन्दा बढी उठाएर ठगी गरेको आरोपमा ३८ वर्षे धीरजकुमार विश्वकर्मा माघ १२ गते पक्राउ परेका थिए छन् । जिल्ला प्रहरी कार्यालय कास्कीको अनुसन्धानपछि अदालतमा मुद्दा दायर भएकामा थुनामा पठाउने आदेश सोमबार भएको हो ।
जिल्ला न्यायाधीश श्रीकृष्ण भट्टराईको इजलासले विश्वकर्मालाई कारागार पठाउन आदेश दिएको हो । ‘फौजदारी कार्यविधि संहिता, २०७४ को दफा ६७ को अवस्था देखिँदा प्रमाण बुझ्दै जाँदा ठहरेबमाजिम हुने गरी हाललाई कानुन बमोजिम सिधा खान पाउने गरी कारागार पठाइदिनू,’ भनी आदेश गरिएको छ ।
धिरजलाई सघाउने दीपक भनिने भोजबहादुर कार्कीसँग अदालतले १८ लाख रुपैयाँ धरौटी मागेको छ । कार्कीले धिरजबाट रकम लिएको स्वीकारेकाले पछि ठहरेबमोजिम हुनेगरी धरौटी माग गरिएको हो । धरौटी रकम बुझाउन नसकेपछि उनी पनि जेल चलान भएका छन् ।
आफू लामो समयदेखि विदेश बसेको र युरोप, क्यानडा, अमेरिका लगायत देशहरुमा धेरै मानिस रोजगारका लागि पठाइसकेको बताउँदै उनले ठगी गरेको जिल्ला प्रहरी कार्यालय कास्कीले जनाएको छ ।
कास्की, स्याङ्जा, तनहुँ, म्याग्दी लगायतका जिल्लाका ३३ जनालाई क्यानडा पठाइदिन्छु भनी ठगी गर्ने नियतले निजहरुबाट रकम समेत उठाएको भन्ने जाहेरीको आधारमा विश्वकर्मा पक्राउ परेको जिल्ला प्रहरी कार्यालय कास्कीका प्रवक्ता डिएसपी सुवाश हमालले जानकारी दिए ।
पर्वतको मोदी गाउँपालिका–७ घर भएका उनी पोखरा महानगरपालिका ३०, शिसुवा बस्दै आएका थिए । पैसा लिएका युवाहरुलाई विश्वस्त पार्न धीरजले विभिन्न सहकारी संस्था र विकास बैंकहरुको चेक समेत दिएको पाइएको छ।
Related News
सम्बन्धित समाचार
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
पोखरामा बुद्ध जयन्तीको सप्ताहव्यापी कार्यक्रम
hero news full width
मुख्य समाचार
जिबी राईको राहदानी रद्द भएन
पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
जेठ १, २०८१