पोखरा । पृथ्वी बहुउद्देश्यीय सहकारी संस्था लि. पोखरा–८ पृथ्वीचोकको ७ आंै वार्षिक साधारण सभाले नयाँ सञ्चालक समिति गठन गरेको छ । संस्थाको शनिबार भएको सभाले किरणप्रसाद बञ्जारालाई निर्विरोध अध्यक्ष चयन गरेको हो । समितिको उपाध्यक्षमा कृष्णकुमार मुल्मी, सचिवमा मेघबहादुर शाही र कोषाध्यक्षमा रामप्रसाद मुल्मी चयन भए ।
यसैगरी सदस्यमा अरविन्द तुलाचन, रामकुमार लामिछाने, सूर्यबहादुर थापा, रश्मी भण्डारी र अमृता थापा छन् । लेखा समिति संयोजकमा खिमबहादुर खड्का, सदस्यमा लक्ष्मण पौडेल र सूर्य गिरी चयन भए । ऋण उपसमितिमा संयोजक सूर्यबहादुर थापा चयन तथा सदस्यमा नित्यानन्द सुवेदी र विष्णु गिरी मनोनयन भएका छन् । शिक्षा उपसमितिमा संयोजक रामकुमार लामिछाने, सदस्यमा सन्दीप थापा र उत्सव मुल्मी रहेका छन् भने महिला उपसमिति संयोजक रश्मी अधिकारी भण्डारी तथा विष्णु कोइराला र विन्ध्येश्वरी तझ्या लामा सदस्य छन् ।
अनुगमन समिति संयोजक सोभित बस्याल, सदस्यमा अमृत पोखरेल र महेन्द्रराज पौडेल रहेका छन् । यसैगरी संस्थाले कानूनी सल्लाहकारमा शिवराज पौडेल, सल्लाहकारमा तेजेन्द्र तुलाचन, केदारनाथ अधिकारी, गोविन्दकुमार श्रेष्ठ र तेजकुमारी रेग्मी मनोनयन भएका छन् ।
निर्वाचन समितिका संयोजक एवं संस्थाका कानुनी सल्लाहकार शिवराज पौडेलले नवनिर्वाचित पदाधिकारीहरुलाई शपथ ग्रहण गराएका थिए । साधारण सभाको समापन कार्यक्रममा जिल्ला सहकारी संघ कास्कीका अध्यक्ष रविरमण तिवारीले सहकारी, सरकारी र निजी क्षेत्रको सामूहिक प्रयासबाट राष्ट्र आर्थिक रुपले मजबूत हुन सक्ने बताए ।
सदस्यहरुलाई जन्मदेखि मृत्युपर्यन्त सुख र दुःखमा सहकारीको साथ रहने बताउँदै तिवारीले मानिसलाई सानै उमेरदेखि नै बचत गर्ने बानी सिकाउनुपर्ने र बचतको महत्वबारे बुझाउनु पर्नेमा जोड दिए । राष्ट्रिय सहकारी बैंक तालचोक शाखा प्रबन्धक सन्तोष घिमिरेले राष्ट्रिय सहकारी बैंकमा पृथ्वी बहुउद्देश्यीय पनि रहेको उल्लेख गर्दै संस्थाले प्राप्त गरेको सफलताप्रति बधाई ज्ञापन गरे । संस्थाका सल्लाहकार तेजेन्द्र तुलाचनले संस्था अर्गानिक मलबाटै हुर्किएकाले मजबुत भएको बताए ।
स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पृथ्वी बहुउद्देश्यीय सहकारी राष्ट्रियस्तरमै पुरस्कृत हुनु यस क्षेत्रकै गौरव भएको बताए । मुनाल सहरकारीका अध्यक्ष दुर्गाप्रसाद हुमागाईंले एक व्यक्ति, एक सहकारीको नियम पालना गर्नुपर्ने र यसले सबैलाई फाइदा हुने बताए ।
आर. पौडेल एण्ड एशोसिएसनका लेखा परीक्षक रुद्रनाथ पौडेलले उत्कृष्ट कारोबार गरेर नै संस्था राष्ट्रिय रुपमा पुरस्कृत हुन सफल भएको उल्लेख गरे । संस्थाका अध्यक्ष ओमबहादुर कार्कीको अध्यक्षतामा भएको उक्त कार्यक्रममा अध्यक्ष कार्कीले संस्थाको वार्षिक प्रतिवेदन प्रस्तुत गरेका थिए ।
पदस्थापनपछि नवनिर्वाचित अध्यक्ष किरणप्रसाद बञ्जाराले राष्ट्रिय रुपमै सम्मानित संस्थाको नेतृत्व गर्ने अवसर पाउँदा गर्व लागेको बताए । साथै उनले संस्थाको भवन निर्माण गर्ने, पृथ्वी छात्रवृत्ति कोष स्थापना गर्ने, मोवाइल बैंकिङ सञ्चालन गर्ने, सवारी दूर्घटना न्यूनिकरणको कार्य गर्ने र आफूले संस्थाबाट बैठक भत्ता आदि नलिने घोषणा गरेका थिए ।
संस्थाका प्रबन्धक मोहनप्रसाद अधिकारीले संस्थाका गतिविधि प्रस्तुत गरेका थिए । सचिव किरणप्रसाद बञ्जराको स्वागत मन्तव्य रहेको सो कार्यक्रमको सञ्चालन सेयर सदस्य रश्मि अधिकारी भण्डारीले गरेकी थिइन् ।
उत्कृष्ट सदस्य सम्मानित
संस्थाले उक्त अवसरमा विभिन्न व्यक्तिलाई सम्मान गरेको छ । संस्थाबाट आब ०७६÷०७७ मा उत्कृष्ट निक्षेपकर्ता वर्ष सदस्य हरिबहादुर खड्का, उत्कृष्ट बचत कारोबारकर्ता तेजेन्द्र तुलाचन र उत्कृष्ट आर्थिक कारोबारकर्ता मीनबहादुर गुरुङ सम्मानित भए । यसैगरी संस्थाका ज्येष्ठ नागरिक सम्मानबाट दिलमाया मुल्मी सम्मानित भएकी छन् । सोही कार्यक्रममा मिडिया ल्यान्डद्वारा आयोजित सेकेण्ड चाइल्ड आइकन पोखरा २०७६ की फष्ट रनर अप मानुषी भण्डारी र पोखरा विश्वविद्यालयबाट इलेक्ट्रोनिक शिक्षामा बिइ इन्जिनियरिङ उत्तीर्ण ऐश्वर्या कार्की पुरस्कृत भए ।
Related News
सम्बन्धित समाचार
सिजी मोटर्सको नयाँ शोरुम पोखरामा, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१