Worldlink ads

सांग्रिला बैंकको काउण्टर थप

एजेन्सी
जेठ २१, २०७६

सांग्रिला डेभलपमेन्ट बैंकले विभिन्न शाखा कार्यालयहरुमा सन्ध्याकालीन काउण्टर तथा होलिडे काउण्टर थप गरेको छ। ग्राहकवर्गको माग तथा सुविधा मध्यनजर गर्दै देशभरका विभिन्न शाखा कार्यालयहरुमा जेठ १५ गतेदेखि सन्ध्याकालीन काउण्टर र १८ गतेदेखि होलिडे काउन्टरको सुविधा थप गरिएको बैंकका प्रमुख कार्यकारी अधिकृत सुयोग श्रेष्ठले जानकारी दिए।

आफ्ना ८५ ओटा शाखा कार्यालयहरु तथा २४ वटा एटीएमबाट ग्राहकलाई बैंकिङ सेवा प्रदान गर्दै आएको बैंकले थप १३ शाखा कार्यलयबाट सन्ध्याकालीन काउण्टर तथा होलिडे काउण्टर संचालनमा ल्याएको जनाएको छ।

थप गरिएका सन्ध्याकालीन तथा होलिडे काउण्टरमध्ये काठमाडौं उपत्यकाभित्र ४ ओटा शाखाहरु रहेका छन्। थप गरिएका सन्ध्याकालीन तथा होलिडे काउन्टरसहित देशभरमा १७ ओटा शाखाहरुबाट सन्ध्याकालीन काउण्टर तथा जम्मा २१ ओटा शाखाहरुबाट होलिडे काउण्टर संचालन गरी ग्राहकवर्गलाई बैंकिङ सेवा प्रदान गरिएको बताइएको छ।

सार्वजनिक बिदाको समयमा पनि बैंकिङ सेवा प्रदान गर्न शुरु गरेको सो बैंकको होलिडे काउण्टर सेवाअन्तर्गत काठमाडांै तथा पोखरा उपत्यका एवं बाँके र कैलाली क्षेत्रका विभिन्न शाखाहरुबाट बिहान १० देखि ३ बजेसम्म बैंकिङ सेवा खुला रहने प्रमुख कार्यकारी अधिकृत श्रेष्ठले बताए।

Related News

सम्बन्धित समाचार

    hero news full width